ବ୍ରାଉନସୁଗାର ଜବତ

ବାଲିଅନ୍ତା (ବଡ଼ ଖବର ବ୍ୟୁରୋ): ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ରାମଚନ୍ଦ୍ରପୁର ଛକ ନିକଟରୁ ଆଜି ଲକ୍ଷାଧିକ ଟଙ୍କାର ବ୍ରାଉନସୁଗାର ଜବତ ହୋଇଛି । ଜଣେ ଯୁବକ କୁ ଗିରଫ କରିଛି ବାଲିଅନ୍ତା ପୋଲିସ । କୌଣସି ସୂତ୍ରରୁ ଖବର ପାଇ କ୍ୟୁଏଟି ଟିମ, ଏବଂ ବାଲିଅନ୍ତା ଥାନା ପୋଲିସ ସକାଳେ ରାମଚନ୍ଦ୍ରପୁର କାଜ ଛକ ନିକଟରେ ଚଢ଼ାଉ କରିଥିଲେ ।

ଏହି ଚଢ଼ାଉରେ ସହିଦ ନଗର ଥାନା କେଶୁରା ଗ୍ରାମର ମୁରନାଲ ସାମଲ ଙ୍କ ଠାରୁ ୨୬୦ ଗ୍ରାମର ବ୍ରାଉନସୁଗାର ଜବତ କରିବା ସହ ୧୦ ହଜାର ଟଙ୍କା ସମେତ ଏକ ମୋବାଇଲ ଫୋନ ଜବତ କରିଛି । ଅଭିଯୁକ୍ତ କୁ କେଶ ନମ୍ବର ୩୩୦ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିବା ସହ ଅଧିକ ତଦନ୍ତ ଜାରିରଖିଛି ପୋଲିସ ।