କାଦୁଅ ରାସ୍ତାରେ ଧାନ ରୋଇ ଗ୍ରାମବାସୀଙ୍କ ପ୍ରତିବାଦ

ବଙ୍ଗୋମୁଣ୍ଡା (ବଡ଼ ଖବର ବ୍ୟୁରୋ): ଶୁଣିଲାନି ପ୍ରଶାସନ, ପକ୍କା ରାସ୍ତା ନିର୍ମାଣ ଦାବିରେ କାଦୁଅ ପଚପଚ ରାସ୍ତାରେ ଧାନ ରୋଇ ଅଭିନବ ପ୍ରତିବାଦ କଲେ ଚୁଲିଫୁଙ୍କା ଗ୍ରାମବାସୀ । ବଙ୍ଗୋମୁଣ୍ଡା ବ୍ଲକ ଚୁଲିଫୁଙ୍କା ଗ୍ରାମର ମୁଖ୍ୟ ବସ୍ତି ରାସ୍ତା ର ଅନେକ ସ୍ଥାନରେ ଖାଲ  ଓ କାଦୁଅ ଜମି ରହୁଛି ।ଏହି ରାସ୍ତା ଦେଇ ପ୍ରାୟ ୫ଟି ପଞ୍ଚାୟତ ର ହଜାର ହଜାର ଲୋକ ଦୈନିକ ଯିବା ଆସିବା କରନ୍ତି । ପକ୍କା ରାସ୍ତା ନଥିବା ଯୋଗୁଁ ସାମାନ୍ୟ ବର୍ଷାରେ ରାସ୍ତା କାଦୁଅ ହୋଇଯାଏ ।ରାସ୍ତାର ଦୁରାବସ୍ଥା ଯୋଗୁଁ ଅନେକ ସମୟରେ ଛୋଟ ବଡ଼ ଦୁର୍ଘଟଣା ଘଟୁଛି ।

ସ୍କୁଲ ଛାତ୍ରୀ ଛାତ୍ରୀ କାଦୁଅ ରାସ୍ତା ଦେଇ ବିଦ୍ୟାଳୟ ଯାଉଛନ୍ତି ଅନେକ ଥର ଗ୍ରାମର ଲୋକ ପକ୍କା ରାସ୍ତା ଦାବି କରୁଥିବା ବେଳେ ଗ୍ରାମର ବସ୍ତି ରାସ୍ତା ପକ୍କା ହୋଇନାହିଁ ।ବାରମ୍ବାର ପ୍ରଶାସନ ଠାରେ ଗୁହାରି ପରେ କେହି ନ ଶୁଣିବାରୁ ଗାଁର ମହିଳା ପୁରୁଷ ଏକଜୁଟ ହୋଇ ପ୍ରତିବାଦ କରିବା ସହ ରାସ୍ତାରେ ଧାନ ରୋଇଛନ୍ତି। ଆଗାମୀ ଦିନରେ ପକ୍କା ରାସ୍ତା ନିର୍ମାଣ ନହେଲେ ଆନ୍ଦୋଳନର ଚେତାବନି ଦେଇଛନ୍ତି । ଗାଁ ମଝି ରାସ୍ତାରେ ଶୀଘ୍ର କଂକ୍ରିଟରୋଡ ଓ ଡ୍ରେନ ନିର୍ମାଣ ପାଇଁ ଦାବି ହେଇଛି ।