ବାୟୁସେନାର ଶକ୍ତିଶାଳୀ ବିମାନ ଦୁର୍ଘଟଣାଗ୍ରସ୍ତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମେରିକା ସେନାକୁ ବଡ଼ ଝଟକା ଲାଗିଛି । ଆମେରିକା ବାୟୁସେନାର ଶକ୍ତିଶାଳୀ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଆମେରିକା ବାୟୁସେନା ବିମାନ ବି-୫୨ କ୍ରାସ୍ ହୋଇଛି । ଉଡ଼ାଣର କିଛି ସମୟ ପରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିବା ଖବର ମିଳିଛି । କାଲିଫର୍ଣ୍ଣିଆର ଏଡ୍ୱାର୍ଡସ୍ ଘାଟିରୁ ଉଡ଼ାଣ ଭରିଥିଲା ବିମାନ । ବିମାନରେ ଥିବା ୮ ସେନା କର୍ମଚାରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଆମେରିକାର ବାୟୁସେନାର ଏକ B-52 ବୋମା ବିସ୍ଫୋରଣକାରୀ ବିମାନ ମଧ୍ୟରୁ ଗୋଟିଏ ।

ସୋମବାର କାଲିଫର୍ନିଆର ଏଡୱାର୍ଡସ୍ ବାୟୁସେନା ଘାଟିରୁ ଏକ B-52 ଉଡଣା ଭରିବାର କିଛି ସମୟ ପରେ ଦୁର୍ଘଟଣାଗ୍ରସ୍ତ ହୋଇଛି । ଏୟାରବେସ୍ ପକ୍ଷରୁ ଏକ ବିବୃତ୍ତିରେ କୁହାଯାଇଛି ଯେ, ସ୍ଥାନୀୟ ସମୟ ପ୍ରାୟ ସକାଳ ୧୧:୨୦ ସମୟରେ ବମ୍ବର ଜେଟ୍ ଏଡୱାର୍ଡସ୍ ଏୟାରଫିଲ୍ଡରେ ଦୁର୍ଘଟଣାଗ୍ରସ୍ତ ହୋଇଥିଲା । ଆମେରିକୀୟ ବାୟୁସେନା ଅନୁଯାୟୀ, ଏଥିରେ ଥିବା ସମସ୍ତ ୮ ଜଣଙ୍କର ମୃତ୍ୟୁ ହୋଇଛି। ତୁରନ୍ତ ଏକ ଜରୁରୀକାଳୀନ ଉଦ୍ଧାର ଦଳକୁ ଘଟଣାସ୍ଥଳକୁ ପଠାଯାଇଛି ଏବଂ ଉଦ୍ଧାର କାର୍ଯ୍ୟ ଜାରି ରହିଛି । ଏୟାରଲିପ୍ଟ ବନ୍ଦ କରିଦିଆଯାଇଛି । ଉକ୍ତ ରୁଟରେ ଆସୁଥିବା ସମସ୍ତ ବିମାନକୁ ଅନ୍ୟତ୍ର ସ୍ଥାନାନ୍ତର କରାଯାଇଛି । ବି-୫୨ ଦୁର୍ଘଟଣାର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ମରୁଭୂମି ଅଞ୍ଚଳର ଏକ ବଡ଼ ଅଞ୍ଚଳ ପଡ଼ି ବିମାନଟି ଜଳି ଯାଇଛି । ଧୂଆଁ ବାହାରୁଥିବାର ଦେଖିବାକୁ ମିଳିଛି ।

ଶକ୍ତିଶାଳୀ ବି-୫୨ ଖଣ୍ଡ ଖଣ୍ଡ ହୋଇଛି । ଦୁର୍ଘଟଣାର କାରଣ ଏ ପର୍ଯ୍ୟନ୍ତ ଜଣାନାହିଁ । B-52 Stratofortress ରେ ସାଧାରଣତଃ ପାଞ୍ଚ ଜଣ କର୍ମଚାରୀ ଥାଆନ୍ତି । ଏହା ଏକ ଦୀର୍ଘ ଦୂରଗାମୀ ବୋମାବାହୀ ଜେଟ୍, ଯାହା ୧୯୫୫ରେ ସାମିଲ କରାଯାଇଥିଲା। ଏହା ୩୧,୭୫୦ କିଲୋଗ୍ରାମ ପର୍ଯ୍ୟନ୍ତ ପେଲୋଡ୍ ବହନ କରିପାରିବ। ପାରମ୍ପରିକ ଏବଂ ପରମାଣୁ ଅସ୍ତ୍ର ବହନ କରିବା ପାଇଁ ଡିଜାଇନ୍ ହୋଇଥିବା, ଏହାକୁ ଭିଏତନାମ ଯୁଦ୍ଧରୁ ଇରାନ ଯୁଦ୍ଧ ପର୍ଯ୍ୟନ୍ତ କାର୍ଯ୍ୟରେ ବ୍ୟବହାର କରାଯାଇଛି । ଗୋଟିଏ B-52 ବୋମାବାହୀ ଜେଟ୍ ର ମୂଲ୍ୟ ୧୧ କୋଟି ଡଲାର । ଏଡୱାର୍ଡସ୍ ହେଉଛି ଏକ ବଡ଼ ମରୁଭୂମି ଏୟାରବେସ୍, ଯାହା ଲସ୍ ଆଞ୍ଜେଲସ୍ ଠାରୁ ପ୍ରାୟ ୧୬୦ କିଲୋମିଟର ଦୂରରେ ଅବସ୍ଥିତ ଏବଂ ଏହା ବିଶ୍ୱର ସବୁଠାରୁ ବଡ଼ ଏୟାରଫିଲ୍ଡ । ଏଥିରେ ପ୍ରାୟ ୧୦,୦୦୦ ଆମେରିକୀୟ ସେନା ରହିଥାନ୍ତି।