ଇଡି ରିମାଣ୍ଡରେ ଅଲ୍ ଫଲାହ ପ୍ରତିଷ୍ଠାତା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ ବିସ୍ଫୋରଣ ପରେ ସ୍କାନରରେ ଅଛି ଫରିଦାବାଦର ଅଲ୍ ଫଲାହ ୟୁନିଭର୍ସିଟିଅଲ ଫଲାହ ବିଶ୍ୱବିଦ୍ୟାଳୟର ପ୍ରତିଷ୍ଠାତା ଗିରଫ । ଜୱାଦ ଅହମ୍ମଦ ସିଦ୍ଦିକିଙ୍କୁ ଗିରଫ କଲା ଇଡି । ଆର୍ଥିକ ଠକେଇ ମାମଲାରେ ଗିରଫ କରିଛି ଇଡି । ୧୩ ଦିନିଆ ଇଡି ରିମାଣ୍ଡରେ ଗଲେ ଅଲ୍ ଫଲାହ ପ୍ରତିଷ୍ଠାତା । ଡିସେମ୍ବର ୧ ତାରିଖ ଯାଏଁ ଇଡି ରିମାଣ୍ଡରେ ରହିବେ ସିଦ୍ଦିକି । ବିଶ୍ୱବିଦ୍ୟାଳୟ ପରିସରରେ ଖୋଳତାଡ଼ ଓ ଯାଞ୍ଚ ପରେ ମିଳିଥିବା ପ୍ରମାଣକୁ ଆଧାର କରି ଜୱାଦଙ୍କୁ ଗିରଫ କରାଯାଇଛି ।
ଆଜି ସକାଳେ ତାଙ୍କ ବାସଭବନରେ ମଧ୍ୟ ଚଢାଉ କରିଥିଲା ଇଡି । ମନି ଲଣ୍ଡ୍ରିଂରେ ଆସୁଥିବା ଟଙ୍କା ଆତଙ୍କୀ ଗତିବିଧି ଓ ଲାଲକିଲ୍ଲା ବିସ୍ଫୋରଣରେ ନିୟୋଜିତ ହୋଇଥିଲା କି ନାହିଁ ତାହାର ଯାଞ୍ଚ କରୁଛି ତଦନ୍ତକାରୀ ଟିମ୍ । ଯାଞ୍ଚରେ କୋଟିଏ ଟଙ୍କାର ଆର୍ଥିକ ହେରଫେର ମାମଲା ସାମ୍ନାକୁ ଆସିଥିଲା । ୪୮ ଲକ୍ଷରୁ ଅଧିକ ଟଙ୍କା ଓ ଡିଜିଟାଲ ପ୍ରମାଣ ହାସଲ କରିଛି ଇଡି । ଏହି ଚଢ଼ାଉ ସମୟରେ ବିଶ୍ୱବିଦ୍ୟାଳୟରେ ଅନେକ ଅନିୟମିତତା ଘଟଣା ସାମ୍ନାକୁ ଆସିଛି । ଜୱାଦଙ୍କ ନାଁରେ ଆର୍ଥିକ ହେରଫେରକୁ ମାମଲା ରୁଜୁ କରିଥିଲା ଦିଲ୍ଲୀ କ୍ରାଇମବ୍ରାଞ୍ଚ । ଅଧିକ ପଚରାଉଚରା ପାଇଁ ହେପାଜତକୁ ନେଲା ଇଡି ।