ଘୁଞ୍ଚିଲା ଟୋଲଗେଟ୍ ନିୟମ

ପିପିଲି(ବଡ଼ ଖବର ବ୍ୟୁରୋ): ଫେବୃଆରୀ ୧୫କୁ ଘୁଞ୍ଚିଲା ଟୋଲଗେଟ୍ ନିୟମ । ଟୋଲ ପ୍ଲାଜାରେ ଫାଷ୍ଟଟାଗ ବ୍ୟବହାରକୁ କଡାକଡି କରାଯିବ । ଜାନୁଆରୀ ୧ରୁ ବିଭିନ୍ନ ଅଂଚଳରେ ଟୋଲଗେଟ୍ଗୁଡିକରେ ଗାଡି ଚାଳକଙ୍କଠୁ ଟୋଲ ଫିସ ବାବଦରେ ଆଉ ଟଙ୍କା ଗ୍ରହଣ କରାଯିବ ନାହିଁ । ଟଙ୍କା ବଦଳରେ ଗାଡିରେ ଲାଗିଥିବା ଫାଷ୍ଟଟାଗରୁ ଟୋଲ ଫିସ ଆଦାୟ କରାଯିବା ପାଇଁ ନିଷ୍ପତ୍ତି ଗ୍ରହଣ କରିଥିଲେ କେନ୍ଦ୍ର ସରକାର । ଏହାକୁ ଆସନ୍ତା ଫେବୃଆରୀ ୧୫ ତାରିଖକୁ ଘୁଂଚାଇ ଦିଆଯାଇଛି । ବିଭିନ୍ନ ଟୋଲ ପ୍ଲାଜାରେ ଗାଡି ମାଲିକଙ୍କର ଗହଳି ଲାଗିଛି ଫାଷ୍ଟଟାଗ କରିବା ପାଇଁ । ଫାଷ୍ଟଟାଗ ଯୋଗୁଁ ଟୋଲ ପ୍ଲାଜାରେ ଟ୍ରାଫିକ ଭଳି ସମସ୍ୟା ଦୂର ହେବା ସହ ଖୁବ ଅଳ୍ପ ସମୟ ମଧ୍ୟରେ ଗାଡି ଟୋଲଗେଟ୍ରୁ ଯାତାୟାତ କରିପାରିବ ବୋଲି ଟୋଲଗେଟ୍ ଦାୟିତ୍ୱରେ ଥିବା ମ୍ୟାନେଜର କହିଛନ୍ତି । ପୂର୍ବରୁ ଏଭଳି ବ୍ୟବସ୍ଥା ଲାଗୁ କରାଯାଇଥିଲା । କରୋନା ପାଇଁ ଏହାକୁ ସାମୟିକ ଭାବେ ବନ୍ଦ କରାଯାଇଥିଲା ।