ଅଳ୍ପକେ ବର୍ତ୍ତିଲା ୧୫୬ ଜଣଙ୍କ ଜୀବନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ବିଶ୍ୱକୁ ସ୍ତବ୍ଧ କରି ରଖିଛି ଅହମ୍ମଦାବାଦରେ ଘଟିଥିବା ବିମାନ ଦୁର୍ଘଟଣା । ଆଉ ଏକ ବଡ ବିମାନ ଦୁର୍ଘଟଣାରୁ ଅଳ୍ପକେ ବର୍ତ୍ତିଛନ୍ତି ୧୫୬ଜଣ ବିମାନ ଯାତ୍ରୀ । ପୁଣି ସେହି ଏୟାର ଇଣ୍ଡିଆ ବିମାନ । ଯାହାକି ଯାତ୍ରୀଙ୍କୁ ବେଶ ଡରାଇଦେଇଛି । ଥାଇଲାଣ୍ଡର ଫୁକେଟରୁ ଦିଲ୍ଲୀ ଅଭିମୁଖେ ଏୟାର ଇଣ୍ଡିଆ ଏଆଇ-୩୭୯ ବିମାନ ଭରିଥିଲା ଉଡାଣ । ଗୁଜବ ସୃଷ୍ଟି କାରଣରୁ ବିମାନକୁ ଜରୁରୀ ଅବତରଣ କରିବାକୁ ପଡିଥିଲା ।

୨୪ ଘଣ୍ଟା ପୂର୍ବରୁ ବିନାମ ଯାତ୍ରୀଙ୍କ ସହ ଘଟିଥିବା ଘଟଣାକୁ ନେଇ ଝୁରୁଛି ବିଶ୍ୱ ଆଖିରୁ ଲୁହ । ଗତକାଲିର ସେହି ଅଭିଶପ୍ତ ଦିନର କଳାବାଦଲ ଏଯାଏଁ ମନରୁ ଲିଭିନି । ନିରୀହ ଜୀବନ କେତେ ବେଳେ ଟ୍ରେନ୍ ତଳେ ତ ଆଉ କେବେ ବିମାନ ଦୁର୍ଘଟଣାରେ ଜଳି ପୋଡି ଯାଉଛି ଜୀବନ । ଏୟାର ଇଣ୍ଡିଆ ବିମାନ ଏବେ ସାଜିଛି ମୃତୁ୍ୟର ବିମାନ ।

ଆଉ ଆଜି ଏୟାର ଇଣ୍ଡିଆ ବିମାନ ଏଆଇ-୩୭୯ ରେ ବସିଥିବା ୧୫୬ ଜଣଙ୍କ ଜୀବନ ଅଳ୍ପକେ ବର୍ତ୍ତିଯାଇଛି । ଏହି ବିମାନଟି ଫୁକେଟରୁ ନୂଆଦିଲ୍ଲୀ ଅଭିମୁଖେ ଯାତ୍ରା କରୁଥିବା ବେଳେ ଏଥିର ବୋମା ଥିବା ଧମକ ମିଳିଥିଲା । ତେଣୁ ପାଇଲଟ ଦୁର୍ଘଟଣାକୁ ଏଡାଇବାକୁ ଯାଇ ଜରୁରୀକାଳୀନ ଅବତରଣ କରିବା ପାଇଁ ନେଇଥିଲେ ନିଷ୍ପତ୍ତି । କିଏ ଏହି ବୋମା ଧମକ ଦେଇଥିଲା ଏଯାଏଁ ହୋଇନି ସ୍ପଷ୍ଟ । ଅବତରଣ ପରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।