ଜଗତସିଂହପୁର (ବଡ଼ ଖବର ବ୍ୟୁରୋ): ୧୦୮ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ । ଜଗତସିଂହପୁର ଜିଲ୍ଲା କଟକ-ପାରାଦ୍ୱୀପ ରାସ୍ତା ଜଇପୁର ଛକ ନିକଟରେ ରୋଗୀ ନେଇ ଯାଉଥିବା ୧୦୮ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି। ଆମ୍ବୁଲାନ୍ସ ଡ୍ରାଇଭର ସମେତ ତିନିଜଣ କର୍ମଚାରୀ ଗୁରୁତର ଆହତ ହୋଇଛନ୍ତି। ରୋଗୀ ନେଇ ଯାଉଥିବା ଆମ୍ବୁଲାନ୍ସ କଟକ ପଟୁ ଆସୁଥିବା ଏକ ଟ୍ରଲରରେ ପିଟି ହେବା ଫଳରେ ଆମ୍ବୁଲାନ୍ସ ଚାଳକ ସମେତ ତିନି ଜଣ କର୍ମଚାରୀ ଗୁରୁତର ହୋଇଛନ୍ତି । ସେମାନଙ୍କୁ କଟକ ସ୍ଥାନାନ୍ତର କରାଯାଇଛି । ଆମ୍ବୁଲାନ୍ସ ଡ୍ରାଇଭର କାଳନ୍ଦୀ ସାହୁ,ଫାର୍ମାସିଷ୍ଟ ରୁଦ୍ରପ୍ରତାପ ବାରିକ ଓ ହେଲଫର ନିହାର ରଞ୍ଜନ ବାରିକ ଆହତ ହୋଇଛନ୍ତି । ଏଥିରେ ଥିବା ରୋଗୀ ଓ ତାଙ୍କର ଆଟେନଡାଣ୍ଟଙ୍କର କିଛି କ୍ଷତି ହୋଇନାହିଁ ।
