ମିଶିଯାଅ: ବର୍ଷା-ଅନୁଭବଙ୍କୁ ପରାମର୍ଶ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କେନ୍ଦ୍ରାପଡା ସାଂସଦ ତଥା ଫିଲ୍ମ ଅଭିନେତା ଅନୁଭବ ମହାନ୍ତି ଓ ତାଙ୍କ ସ୍ତ୍ରୀ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ବିବାଦ ଏବେ ହାଟରେ ପଡି ଦାଣ୍ଡରେ ଗଡୁଛି । ଏହି ଦୁଇ ହିରୋ-ହିରୋଇନଙ୍କର ଆରେଞ୍ଜ ମ୍ୟାରେଜ୍ ହୋଇଥିଲା । କିନ୍ତୁ ସଂସାର ରଥ ଠିକରେ ଗଢିଲା ନାହିଁ । ସାଂସଦ ଅନୁଭବ ସ୍ତ୍ରୀ ବର୍ଷାଙ୍କ ଉପରେ ଅଉ ବିଶ୍ୱାସ କରିପାରିଲେ ନାହିଁ । ଦିଲ୍ଲୀର ପଟିୟାଲା ହାଉସ କୋର୍ଟରେ ରୁଜୁ କରିଥିଲେ ଛାଡପତ୍ର ମାମଲା । ଦିଲ୍ଲୀ ପଟିୟାଲା ହାଉସକୋର୍ଟରେ ସାସଂଦ ଅନୁଭବ ମହାନ୍ତି କରିଥିବା ଛାଡପତ୍ର ମାମଲାକୁ କଟକ ଟ୍ରାନ୍ସଫର କରିବା ପାଇଁ ବର୍ଷା ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଆଜି ସର୍ବୋଚ୍ଚ ଅଦାଲତ ଏହି ମାମଲାର ଶୁଣାଣି କରିଛନ୍ତି । ପଟିୟାଲା ହାଉକୋର୍ଟରେ ହୋଇଥିବା ମାମଲା ଉପରେ ସୁପ୍ରିମକୋର୍ଟ ସ୍ଥଗିତାଦେଶ ଜାରି କରିଛନ୍ତି । ଉଭୟଙ୍କ ମଧ୍ୟରେ ସହମତ୍ତି ଭିତ୍ତିକ ଆଲୋଚନା ପାଇଁ ସୁପ୍ରିମକୋର୍ଟ ମୁଦଲା ଓ ମୁଦେଇଙ୍କ ଓକିଲଙ୍କୁ ପରାମର୍ଶ ଦେଇଛନ୍ତି ।