ଲାଞ୍ଚ ନେଇ ଗିରଫ ହେଲେ ଏଏସଆଇ
ଧର୍ମଶାଳା (ବଡ଼ ଖବର ବ୍ୟୁରୋ): ଲାଞ୍ଚ ନେଇ ଗିରଫ ହେଲେ ସୁକିନ୍ଦା ଥାନା ଏଏସଆଇ । ଚାରି ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡିବା ପରେ ଗିରଫ ହେଲେ ସୁକିନ୍ଦା ଥାନା ଏଏସଆଇ। ଯାଜପୁର ଜିଲ୍ଲା ସୁକିନ୍ଦା ଥାନା ଏଏସଆଇ ଅଭୟ କୁମାର ନାଏକ ଚାରି ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡି ବସିଥିଲା କଟକ ଭିଜିଲାନ୍ସ ଟିମ । ଏକ ପାରିବାରିକ ମାମଲାର ରଫାଦଫା କରିବା ପାଇଁ କଳିଙ୍ଗନଗର ନୀଳାଞ୍ଚଳ ପ୍ଲାଣ୍ଟ ସାମ୍ନାରେ ଚାରି ହଜାର ଟଙ୍କା ଲାଞ୍ଚ ନେଉଥିବା ଅବସ୍ଥାରେ ପୂର୍ବରୁ ପ୍ରସ୍ତୁତ ହୋଇ ରହିଥିବା ଭିଜିଲାନ୍ସ ବିଭାଗ ଦ୍ୱାରା ଧରା ପଡ଼ିଥିଲେ।
ଏଏସଆଇ ଅଭୟ କୁମାର ନାଏକଙ୍କୁ ଗିରଫ କରାଯାଇ କଟକ ଭିଜିଲାନ୍ସ ଅଫିସକୁ ନିଆ ଯାଇଥିବା ବେଳେ ଏକା ସମୟରେ ସୁକିନ୍ଦା ଥାନାରେ ଥିବା ସରକାରୀ କ୍ୱାଟର ସମେତ ଯାଜପୁର ଜିଲ୍ଲାର ବିଂଝାରପୁର, କେନ୍ଦ୍ରାପଡା ଜିଲ୍ଲାର ହାଟ ପଡା କରିଲୋ ପାଟଣା ଗାଁରେ ଥିବା ନିଜ ଘରେ ମଧ୍ୟ ଚଢ଼ାଉ କରାଯାଇଥିବା ସୂଚନା ମିଳୁଛି ।