କୃମି ବଟିକା ଖାଇ ୭ଛାତ୍ରଛାତ୍ରୀ ଛାତ୍ରଛାତ୍ରୀ ଅସୁସ୍ଥ

ବସ୍ତା(ବଡ଼ ଖବର ବ୍ୟୁରୋ): କୃମି ଔଷଧ ଖାଇ ୭ ପିଲା ଅସୁସ୍ଥ । ସୁଚନା ଅନୁଯାୟୀ ବାଲେଶ୍ଵର ଜିଲ୍ଲା ବସ୍ତା ବ୍ଲକ ଗୋଡିଖାଳ ସ୍ଥିତ ବନବିହାରୀ ଲାଲ ହାଇସ୍କୁଲରେ ସରକାରଙ୍କ ନିର୍ଦ୍ଦେଶ ଅନୁଯାୟୀ ଛାତ୍ର ଛାତ୍ରୀ ମାନଙ୍କୁ କୃମି ଔଷଧ ଖାଇବାକୁ ଦିଆଯାଇଥିଲା। ମେଡିସିନ ଖାଇ ସାରିବା ପରେ ୭ ଜଣ ପିଲା ଅସୁସ୍ଥ ଅନୁଭବ କରିଥିଲେ।

ମୁଣ୍ଡ ବୁଲାଇବା ସହିତ ବାନ୍ତି ଓ ଛାତିରେ ଯନ୍ତ୍ରଣା ହୋଇଥିଲା। ସଙ୍ଗେ ସଙ୍ଗେ ସ୍କୁଲର ଶିକ୍ଷକ ମାନେ ଆମ୍ବୁଲାନ୍ସ ଯୋଗେ ବସ୍ତା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଚିକିତ୍ସା ପରେ ସେମାନଙ୍କୁ ଘରକୁ ପଠାଇ ଦିଆଯାଇଛି। ଅସୁସ୍ଥଙ୍କ ମଧ୍ୟରେ ୬ ଜଣ ଛାତ୍ରୀ ଓ ଜଣେ ଛାତ୍ର ଅଛନ୍ତି ।ସ୍କୁଲର ମୋଟ ୨୪୦ ଜଣ ଛାତ୍ରଛାତ୍ରୀ ଏହି କୃମି ଔଷଧ ଖାଇଥିଲେ ।