ନାଟମଣ୍ଡପ କାମକୁ ସ୍ଥଗିତ ରଖିଛି ଏଏସଆଇ, ବୈଠକ ପରେ ହେବ ଆଲୋଚନା

ପୁରୀ (ବଡ଼ ଖବର ବ୍ୟୁରୋ): ଶ୍ରୀମନ୍ଦିର ନାଟମଣ୍ଡପ ମରାମତି ପ୍ରସଙ୍ଗ । ଆଜି ହେବାକୁ ଥିବା ମରାମତି କାର୍ଯ୍ୟକୁ ସ୍ଥଗିତ ରଖିଛି ଏଏସ ଆଇ । ଅପରାହ୍ନରେ ଥିବା ବୈଠକରେ ନାଟମଣ୍ଡପ ମରାମତିକୁ ନେଇ ହେବ ଆଲୋଚନା। କାର୍ତ୍ତିକ ମାସ ଥିବାରୁ ଶ୍ରୀମନ୍ଦିରରେ ରହୁଛି ଭକ୍ତଙ୍କ ଭିଡ଼। ଗରୁଡ଼ଙ୍କ ପାଖରୁ ଭିତର କାଠ ପର୍ଯ୍ୟନ୍ତ ମରାମତି ପାଇଁ କରାଯିବ ଲୁହାଭାରା।

ଏଥିପାଇଁ ଶ୍ରୀମନ୍ଦିର ପ୍ରଶାସନର ଅନୁମତି ଲୋଡିଛି ଏଏସଆଇ । ଦିନକୁ ୬ ଘଣ୍ଟା ଲେଖାଏଁ କାମକରି ୧୨୦ ଦିନରେ କାମ ଶେଷ କରିବାକୁ ହାଇକୋର୍ଟଙ୍କ ନିର୍ଦ୍ଦେଶ ରହିଥିବା ବେଳେ କେଉଁ ସମୟ ପ୍ରଶାସନ ଏଏସଆଇକୁ ଅନୁମତି ଦେବ ତାହା ଉପରେ ହେବ ବିସ୍ତୃତ ଆଲୋଚନା।