ମନେପଡ଼ନ୍ତି ବାଜପେୟୀ…
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କର ପୂଣ୍ୟତିଥି । ସେ ୩ ଥର ଭାରତର ପ୍ରଧାନମନ୍ତ୍ରୀ ହୋଇଥିଲେ । ୧୯୯୬ରେ ୧୩ ଦିନ ପାଇଁ, ୧୯୯୮ ୧୩ ମାସ, ୧୯୯୯ରେ ୫ ବର୍ଷ ପାଇଁ ପ୍ରଧାନମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ । ୧୯୯୮ ମସିହାରେ ସେ ପ୍ରଧାନମନ୍ତ୍ରୀ ଥିବା ସମୟରେ ଭାରତ ପୋଖରାନରେ ଆଣବିକ ପରିକ୍ଷଣ ହୋଇଥିଲା । ପଡୋଶୀ ଦେଶମାନଙ୍କ ସହ ସୁସମ୍ପର୍କ ପାଇଁ ସେ ସର୍ବଦା ଚେଷ୍ଟା କରି ଆସୁଥିଲେ । ଲାହୋରକୁ ବସରେ ଯାଇ ତତକାଳୀନ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ସହିତ ଆଲୋଚନା କରିଥିଲେ । ଏପରିକି କାରଗିଲ ଯୁଦ୍ଧ ପରେ ତତକାଳୀନ ପାକିସ୍ତାନ ମୁଖ୍ୟ ପରବେଜ ମୁସାରଫକୁ ଆଗ୍ରା ଶିଖର ବୈଠକ ପାଇଁ ମିନନ୍ତ୍ରଣ କରିଥିଲେ ।
ଜାତୀୟ ରାଜପଥ ବିକାଶ ପ୍ରକଳ୍ପ ଏବଂ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା ତାଙ୍କ ସମୟରେ ଆରମ୍ଭ ହୋଇଥିଲା । ୧୯୫୧ ମସିହାରେ ଭାରତୀୟ ରାଜନୀତିରେ ଅଂଶଗ୍ରହଣ କରିଥିଲେ । ୧୯୫୫ରେ ପ୍ରଥମ ଥର ପାଇଁ ଲୋକସଭା ନିର୍ବାଚନ ଲଢିଥିଲେ । ପରାଜିତ ହୋଇଥିଲେ ସତ କିନ୍ତୁ ପରବର୍ତ୍ତି ସମୟରେ ୧୯୫୭ରେ ନିର୍ବାଚନ ଜିତି ସାଂସଦ ଭାବରେ ନିର୍ବାଚିତ ହୋଇଥିଲେ ଅଟଳ ବିହାରୀ ବାଜପେୟୀ । ସେ ୧୦ ଥର ଲୋକସଭା ସାଂସଦ ହୋଇଥିବା ବେଳେ ୨ ଥର ରାଜ୍ୟ ସଭା ସାଂସଦ ହୋଇଛନ୍ତି । ୨୦୧୫ରେ ତାଙ୍କୁ ଭାରତର ସର୍ବୋଚ୍ଚ ସମ୍ମାନ ଭାରତ ରତ୍ନ ସମ୍ମାନରେ ସମ୍ମାନିତ କରାଯାଇଥିଲା । ୧୯୨୪ ମସିହା ଡିସେମ୍ବର ୨୪ ତାରିଖରେ ଗ୍ୱାଲିୟରରେ ଜନ୍ମଲାଭ କରିଥିଲେ ବାଜପେୟୀ ।
୨୦୧୮ ଅଗଷ୍ଟ ତାରିଖରେ ତାଙ୍କର ପରଲୋକ ହୋଇଥିଲା । ଆଜି ତାଙ୍କ ପୂଣ୍ଣ୍ୟତିଥିରେ ନୂଆଦିଲ୍ଲୀ ସ୍ଥିତ ସ୍ମୃତି ପୀଠରେ ସଦୈବ ଅଟଳରେ ପ୍ରାଥନା ସଭାର ଆୟୋଜନ କରାଯାଇଥିଲା । ପ୍ରାଥନା ସଭାରେ ମହିମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ଉପରାଷ୍ଟ୍ରପତି ଜଗଦୀପ ଧନଖଡ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହରାଷ୍ଟ୍ରମନ୍ତ୍ରୀ ଅମିତ ଶାହଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ତାମ୍ସ୍ୃତି ପୀଠରେ ପୁଷ୍ପ ମାଲ୍ୟ ଦେଇ ସ୍ମୃତିଚାରଣ କରିଛନ୍ତି ।
