ଆଯୋଧ୍ୟା(ବଡ଼ ଖବର ବ୍ୟୁରୋ):ଲକ୍ଷ ଲକ୍ଷ ଦୀପରେ ଝଲସିଲା ଅଯୋଧ୍ୟା । ପ୍ରଭୁ ଶ୍ରୀ ରାମଙ୍କ ସହର ଅଯୋଧ୍ୟାରେ ଏକ ବିଶାଳ ଦୀପୋତ୍ସବ ଆୟୋଜନ କରାଯାଉଛି । ଦୀର୍ଘ ସମୟ ଧରି ଏଥିପାଇଁ ପ୍ରସ୍ତୁତ ମଧ୍ୟ ଆରମ୍ଭ ହୋଇ ସାରିଛି । ସେପଟେ ପ୍ରଭୁ ରାମଚନ୍ଦ୍ର, ମା’ ସୀତା ଓ ଭାଇ ଲକ୍ଷ୍ମଣ ପୁଷ୍ପକ ବିମାନ ଆକାରର ଏକ ହେଲିକପ୍ଟର ଯୋଗେ ଆଯୋଧ୍ୟା ପହଞ୍ଚିଥିବାର ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଭୁଙ୍କୁ ସରୁଆ ନଦୀ କୂଳରେ ସ୍ୱାଗତ କରିଥିଲେ । ପ୍ରଭୁ ରାମଚନ୍ଦ୍ରଙ୍କର ରାଜ୍ୟାଭିସେକ ମଧ୍ୟ ହୋଇଥିଲା । ଏହି ସମୟରେ ଚାରିପାଖ ପ୍ରଭୁ ଶ୍ରୀରାମ ଏବଂ ଶଙ୍ଗନାଦରେ କମ୍ପିତ ହୋଇ ଉଠିଥିଲା ।
ଅନ୍ୟପଟେ ୨୦୧୭ ମସିହାରେ ରାମ ଜନ୍ମଭୂମିରେ ୧ ଲକ୍ଷ ୮୦ହଜାର ଦୀପ ପ୍ରଜଲୋଳ କରାଯାଇଥିଲା । ସେହିପରି ୨୦୧୮ରେ ପ୍ରାୟ ୩ ଲକ୍ଷ, ୨୦୧୯ଓ ୨୦୨୦ ମସିହାରେ ପାଖାପାଖି ୫ ଲକ୍ଷ ୫୦ ହଜାର । ଆଉ ଏଥର ସମସ୍ତ ରେକର୍ଡକୁ କାଟିବା ଲକ୍ଷ୍ୟରେ ଅଛନ୍ତି ଯୋଗୀ ସରକାର । ଚଳିତ ବର୍ଷ ପାଖାପାଖି ୯ ଲକ୍ଷ୍ୟ ଦୀପ ଜଳାଯାଇଥିବାର ସୂଚନା ମିଳିଛି । ଏନେଇ ବହୁ ଆଗରୁ ପ୍ରସ୍ତୁତ କାର୍ଯ୍ୟ ମଧ୍ୟ ଆରମ୍ଭ ହୋଇଯାଇଥିଲା । ଏପରିରି ଅଯୋଧ୍ୟାର ପ୍ରତ୍ୟେକ ମନ୍ଦିର ଓ ମଠ ଗୁଡ଼ିକକୁ ଯୋଗୀ ଦୀପ ପଠାଇଥିବାର ସୂଚନା ମିଳିଛି ।
