ବିଜେଡି ଛାଡ଼ିଲେ ସଞ୍ଜୀବ ସାହୁ
ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଜେଡି ଛାଡ଼ିଲେ ପୂର୍ବତନ ମନ୍ତ୍ରୀ ସଞ୍ଜୀବ ସାହୁ । ସଭାପତିଙ୍କୁ ପଠାଇଲେ ଇସ୍ତଫା ପତ୍ର । ନିଜର ବ୍ୟକ୍ତିଗତ କାରଣ ଦର୍ଶାଇ ସଞ୍ଜୀବ ସାହୁ ଦେଲେ ଇସ୍ତଫା । ସେପଟେ ୪ଥର ବିଧାୟକ ହୋଇ ସାରିଛନ୍ତି ସଞ୍ଜୀବ । ୨ ଥର ବୀରମହାରାଜପୁର ଏବଂ ୨ ଥର ଆଠମଲ୍ଲିକ ନିର୍ବାଚନ ମଣ୍ଡଳୀରୁ ବିଧାୟକ ହୋଇ ଦୁଇ ଥର ମନ୍ତ୍ରୀ ମଧ୍ୟ ହୋଇଥିଲେ ।
୨୦୦୩ ମସିହାରେ ଉପ-ନିର୍ବାଚନରେ ବୀରମହାରାଜପୁର ଏବଂ ୨୦୦୪ରେ ବୀରମହାରାଜପୁର ବିଧାୟକ ହୋଇଥିଲେ । ୨୦୦୬ ମସିହାରେ ବିଜ୍ଞାନ କାରିଗରୀ, ଗଣଶିକ୍ଷା ମନ୍ତ୍ରୀ ସ୍ୱାଧୀନ ଭାବେ ଏବଂ ୨୦୦୯ ରେ ଆଠ ମଲ୍ଳିକ ନିର୍ବାଚନ ମଣ୍ଡଳୀରୁ ଜିତି ବିଧାୟକ ହୋଇଥିଲେ ।