ନୃଶଂସ ବାପ : ଝିଅକୁ ଜିଅନ୍ତା ପୋଡି ମାରିବାକୁ ଉଦ୍ୟମ

ବଲାଙ୍ଗିର (ବଡ଼ ଖବର ବ୍ୟୁରୋ): ଯିଏ ସନ୍ତାନର ଜନକ ହୋଇଥିଲା । ସିଏ ଜୀବନ ନେବାକୁ ବି କୁଣ୍ଠା ପ୍ରକାଶ କଲାନି । ଝିଅଟି ରାତିରେ ଶୋଇଥିବା ବେଳେ ତା’ ଉପରେ କିରୋସିନ ଢାଳିଲା ନୃଶଂସ ବାପ । ଆଉ ବିଳମ୍ବ ନ କରି ଦିଆସିଲ ମାରିବାରୁ ହୁତୁହୁତ ହୋଇ ଜଳିଲା ଝିଅ । ହେଲେ ଦଇବର ବିଚାର ଥିଲା ଭିନ୍ନ । ଝିଅର ନିଆଁ ର ତେଜ ସହିତ ଝିଅର ଚିତ୍କାର  ଶୁଣିଥିଲେ ପରିବାର ଲୋକେ । ଆଉ ବିଳମ୍ବ ନକରି ଅଧାପୋଡା ଅବସ୍ଥାରେ ଝିଅକୁ ପ୍ରଥମେ ପାଟଣାଗଡ ମେଡିକାଲରେ ଭର୍ତ୍ତି କରିଥିଲେ । ମାତ୍ର ଡାକ୍ତରମାନେ ପ୍ରାଥମିକ ଚିକିତ୍ସା କରି ବଲାଙ୍ଗିର ଭୀମଭୋଇ ମେଡିକାଲକୁ ପଠାଇ ଦେଇଥିଲେ । ଏହି ଘଟଣାର ପ୍ରକୃତ କାରଣ ଜଣାପଡିନି । ବେଲପଡା ପୋଲିସ ଗୁରୁତର ଆହତ ଯୁବତୀଙ୍କୁ ମେଡିକାଲ ପଠାଇ ଘଟଣାର ତଦନ୍ତ କରୁଛି । ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ବେଲପଡାର ଡେବିରିପାଲି ଗାଁରେ । ଗତକାଲି ବିଳମ୍ବିତ ରାତିରେ ନୃଶଂସ ବାପ ଅରକ୍ଷିତ ନାଗ କିରୋସିନ ଢାଳି ଝିଅ ସୂର୍ଯ୍ୟକାନ୍ତିକୁ ପୋଡ଼ି ମାରିଦେବାକୁ ଉଦ୍ୟମ କରିଥିଲା । ପାରିବାରିକ କଳହକୁ ନେଇ ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି।