ଭାଙ୍ଗିଗଲା ସୁଖ ସପନ

ସୋର(ବଡ଼ ଖବର ବ୍ୟୁରୋ):ଅଦିନିଆ ବର୍ଷା ଭାଙ୍ଗିଦେଇଛି ଚାଷୀଙ୍କ ମେରୁଦଣ୍ଡ । ପେଟକୁ ଦାନା ଯୋଗାଉଥିବା ଚାଷୀ ଏବେ ଚିନ୍ତାରେ । କେତେବେଳେ ମରୁଡ଼ି ତ କେତେବେଳେ ଅଦିନିଆ ବର୍ଷା । ଗତକାଲି ବାଲେଶ୍ୱର ଜିଲ୍ଲା ସୋର ଅଞ୍ଚଳରେ ହୋଇଥିବା ଅଦିନିଆ ବର୍ଷାକୁ ଦେଖି ଚାଷୀମାନେ ଏବେ ମୁଣ୍ଡରେ ହାତ ଦେଲେଣି । ଧାର କରଜ କରି ଚାଷ କରିଥିବା ଚାଷୀ ଆଜି ଚିନ୍ତାରେ । ଏହି ପରିସ୍ଥିତିରେ ଚାଷୀ ମାନେ ଧାନକୁ ହିଡ଼ ଉପରେ ଶୁଖାଉଥିବା ଦେଖିବାକୁ ମିଳିଥିଲା । ଗତକାଲି ଅପରାହ୍ନରେ ସୋରର ଅନେକ ଅଞ୍ଚଳରେ ବର୍ଷା ହୋଇଥିବା ଜଣାପଡିଛି । ଆଜି ମଧ୍ୟ ପାଗ ମେଘୁଆ ରହିଥିବା ଯୋଗୁଁ ଚାଷୀମାନେ ଭୟଭୀତ ଅଛନ୍ତି ।