କାହା ଛତ୍ର ଛାୟାରେ ବନଖଣ୍ଡ ବିଟ୍ ଅଧିକାରୀ?

ବାଲେଶ୍ୱର (ବଡ଼ ଖବର ବ୍ୟୁରୋ): କାହା ଛତ୍ର ଛାୟାରେ ବନଖଣ୍ଡ ବିଟ୍ ଅଧିକାରୀ । ଫରେଷ୍ଟର ସଞ୍ଜୟ ମହାନ୍ତିଙ୍କ ନାଁରେ ମାଳ ମାଳ ଅଭିଯୋଗ । ବାବୁଙ୍କ ନାଁରେ ୪ ବର୍ଷରେ ୨୦ ଅଭିଯୋଗ । ପଶ୍ଚିମବଙ୍ଗକୁ ଚୋରାରେ କାଠ ସପ୍ଲାଏ କରୁଥିବା ଅଭିଯୋଗ । ସବୁ ଜାଣି ଚୁପ ବସିଛନ୍ତି ଡିଏଫଓ, ରେଞ୍ଜର । କେମିତି ଓ କିପରି ଗୋଟିଏ ସ୍ଥାନରେ ବର୍ଷ ବର୍ଷ ଜଳେଶ୍ବର ଫରେଷ୍ଟ ରେଞ୍ଜର ଉଦୟପୁର ବିଟ୍ ମୁଖ୍ୟ ସଂଜୟ ମହାନ୍ତି କରୁଛନ୍ତି କାର୍ଯ୍ୟ । ଅନ୍ୟତ୍ର ବଦଳି ନହେବା ପଛରେ କ’ଣ ରହିଛି ରହସ୍ୟ । ବଦଳି ହେବାକୁ ନିଜେ ଚାହୁଁନାହାଁନ୍ତି ନା ବାଲେଶ୍ବର ଡିଏଫଓ ଏବଂ ଜଳେଶ୍ବର ରେଞ୍ଜରଙ୍କ ରହିଛି ଅନୁକମ୍ପା ।

ବାବୁଙ୍କ ନାଁରେ ଚାରି ବର୍ଷରେ ୨୦ ରୁ ଅଧିକ ଅଭିଯୋଗ ଥିଲେବି ବାଲେଶ୍ବର ଡିଏଫଓ ଚୁପ୍ ବସିବା ଯାହା ସମସ୍ତଙ୍କୁ ସନ୍ଦହେ କଲାଣି । ଉଦୟପୁର ବିଟ୍ ଫରେଷ୍ଟର ସଂଜୟ ମହାନ୍ତି ଓଡ଼ିଶା ପଶ୍ଚିମବଙ୍ଗ ସୀମା ଭୋଗରାଇରେ କାଠ ମାଫିଆଙ୍କୁ ଧରିବା ପରିବର୍ତ୍ତେ ବୁଝାବଣା କରି ପଶ୍ଚିମବଙ୍ଗକୁ କାଠ ସପ୍ଲାଏ କରାଯାଉଥିବା ଅଭିଯୋଗ ହୋଇଛି । ଅଭିଯୋଗ ସଂପର୍କରେ ଜାଣିବା ପାଇଁ ଚେଷ୍ଟା କରିଥିଲେ ବି ଫରେଷ୍ଟ ବାବୁ ଜଣକ ପ୍ରଶ୍ନର ଉତ୍ତର ନଦେଇ କ୍ୟାମେରା ଆଗରୁ ଏଡେଇ ଯାଉଛନ୍ତି । ସେପଟେ ଜଙ୍ଗଲ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ଏବଂ ବାଲେଶ୍ବର ଡିଏଫଓ କହିଛନ୍ତି ଯେ ଅଭିଯୋଗ କୁ ତଦନ୍ତ କରି ଦୋଷୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ।