ଅବକାରୀ ଚଢ଼ଉ : ପୋଚ, ମଦ ନଷ୍ଟ

ବୈପାରିଗୁଡ଼ା, (ବଡ଼ ଖବର ବ୍ୟୁରୋ) : କୋରାପୁଟ ଜିଲ୍ଲା ବୈପାରିଗୁଡ଼ା ଅବକାରୀ ବିଭାଗ ତରଫରୁ ଚଢ଼ଉ କରାଯାଇ ବିପୁଳ ପୋଚ ଏବଂ ମଦ ନଷ୍ଟ କରାଯାଇଛି । ରାମଗିରି ପଞ୍ଚାୟତ ଅନ୍ତର୍ଗତ ପୂଜାରୀପୁଟ ନିକଟସ୍ଥ ମାଳିଗୁଡା ଗ୍ରାମ ପାଖରେ ଥିବା ପାହାଡ଼ରୁ ଚୋରା ମଦ ପ୍ରସ୍ତୁତ କରାଯାଉଥିଲା । ଖବର ପାଇ ଅବକାରୀ ବିଭାଗ କର୍ମଚାରୀମାନେ ଚଢ଼ଉ କରି ୧ହଜାର ଲିଟର ପୋଚ ସହ ୮୫ ଲିଟର ମହୁଲି ମଦ ନଷ୍ଟ କରିଛନ୍ତି । ଚଢ଼ଉ ପୂର୍ବରୁ ମଦବେପାରୀମାନେ ଫେରାର ହୋଇଯାଇଥିଲେ । ଏହି ଚଢ଼ଉରେ ଓଆଇସିଏସ୍.କେ ପାଉଲେ, ଏଏସଆଇ ରଶ୍ମିରଞ୍ଜନ ନାୟକଙ୍କ ସମେତ ସରୋଜ ବେହେରା, ସତ୍ୟମ୍ ଶୁଭମ୍ ପାତ୍ର, ହୀରାମଣି ଭତ୍ରା ଅଂଶଗ୍ରହଣ
କରିଥିଲେ ।