ପୋଖରୀରେ ବୁଡି ମହିଳା ମୃତ
ବାଂଶପାଳ (ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ବାଂଶପାଳବ୍ଲକ ବରଗୁଡା ଗ୍ରାମ ବେଲତହଡି କଟା ପୋଖରୀରେ ବୁଡି ମହିଳାଙ୍କ ମୃତ୍ୟୁ ଘଟିଛି । ସୂଚନାଯୋଗ୍ୟ ଯେ କିଛି ଦିନ ହେବ କ୍ଷେତ୍ରମୋହନ ବେହେରାଙ୍କ ସ୍ତ୍ରୀ କନକ ଦେହୁରୀ ତାଙ୍କ ଶ୍ୱଶୁର ଘର ମେରେଇ ସାହିରୁ ବାପଘର ବରଗୁଡାକୁ ଆସିଥିବା ବେଳେ ଆଜି ସକାଳେ କନକ ଦେହୁରୀ ଘରପାଖ ବେଲତହଡା କଟା ପୋଖରୀକୁ ଶୌଚ ହେବାକୁ ଯାଇଥିଲେ । ସେଠାରେ ତାଙ୍କର ଗୋଡ଼ ଖସି ମୃତ୍ୟୁ ଘଟିଛି ।
କନକଙ୍କୁ ଆସିବାର ବିଳମ୍ବ ହେବା ଦେଖି ତାଙ୍କ ଭାଉଜ ପୋଖରୀକୁ ଖୋଜିବା ପାଇଁ ଯାଇଥିଲେ । ପୋଖରୀରେ କନକଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ପରେ ଘର ଲୋକଙ୍କୁ ଜଣାଇଥିଲେ । ବାଂଶପାଳ ଅଗି୍ନଶମ ବାହିନୀ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ କେନ୍ଦୁଝର ମେଡିକାଲକୁ ପଠେଇଥିଲେ ।