ଭିତ୍ତିପ୍ରସ୍ତର ଉଦଘାଟନ କରିବାକୁ ଆସି ପୁଣି ବିଧାୟକ ହେଲେ ହଟହଟା

ଜଳେଶ୍ୱର (ବଡ଼ ଖବର ବ୍ୟୁରୋ): ପୁଣି ବିଧାୟକ ହେଲେ ହଟହଟା । ବିଜେଡି କର୍ମୀଙ୍କ ପରିବାରବାଦ ଓ ଗୋଷ୍ଠୀ କନ୍ଦଳକୁ ନେଇ ଭିତ୍ତିପ୍ରସ୍ତର ସ୍ଥାପନ ନକରି ଫେରିଗଲେ ବିଧାୟକ । ବିଜେଡି କଳି ପଦାରେ ପଡ଼ି ହାଟରେ ଗଡ଼ିଲାଣି । ସୂଚନା ଅନୂଯାୟୀ ଭୋଗରାଇ ବ୍ଲକ ଆରୁହାବୃତି -୧ ପଂଚାୟତ ହୁଡ଼ାପାଳ ଠାରେ ୨କୋଟି ୧୪ଲକ୍ଷ ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ କରିବାକୁ ଆସି ଫେରିଗଲେ ବିଧାୟକ ଅନନ୍ତ ଦାସ ।

ବିଜେଡି କର୍ମୀଙ୍କ ମଧ୍ୟରେ ହୋହାଲ୍ଲା, ପାଟିତୁଣ୍ଡ ଓ ପ୍ରବଳ ଗଣ୍ଡଗୋଳ ପାଇଁ ପ୍ରକଳ୍ପ ଉଦଘାଟନ ନକରି ଫେରିଲେ ବିଧାୟକ । ନଡ଼ିଆ ଫଟାଇ ପ୍ରକଳ୍ପର ଶୁଭ ଉଦଘାଟନ କଲେ ସ୍ଥାନୀୟ ଲୋକେ । ବିଜେଡି ଗୋଷ୍ଠୀ କନ୍ଦଳ ପାଇଁ ଉଦଘାଟନ କରି ନ ପାରି ବିଧାୟକ ଫେରିଥିବା ସୂଚନାକର୍ମୀଙ୍କ ମଧ୍ୟରେ ପ୍ରବଳ ଉତ୍ତେଜନା ।