ବିଧାୟକ ପାଣ୍ଠି ନିୟମ ସଂଶୋଧନ ପାଇଁ ମୁଖ୍ୟମନ୍ତ୍ରୀଙ୍କୁ ବିଜେପି ବିଧାୟକମାନଙ୍କ ଚିଠି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ବିଜେପିର ବିଧାୟକମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କୁ ଚିଠି ଲେଖିଛନ୍ତି । ଏଥିରେ ବିଧାୟକ ପାଣ୍ଠି ନିୟମର ସଂଶୋଧନ କରିବା ପାଇଁ ଜଣାଇଛନ୍ତି ବିଜେପି ବିଧାୟକମାନେ । କେବଳ ମାସ୍କ ନୁହେଁ,ଗ୍ରାମାଞ୍ଚଳ ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ ପାଇଁ ପାଣ୍ଠି ବିନିଯୋଗ କରାଯିବା ପାଇଁ ବିଜେପି ବିଧାୟକମାନେ ଏହି ଚିଠି ଲେଖିଛନ୍ତି ।

ଏପରିକି ଆଇସୋଲେସନ ରୁମ ଓ ଶିଶୁଙ୍କ କୋଭିଡ କେୟାର ରୁମ ପାଇଁ ବିଧାୟକ ପାଣ୍ଠି ବିନିଯୋଗ କରାଯିବାକୁ ବିଜେପି ବିଧାୟକମାନେ ଦାବି କରିଛନ୍ତି । କେବଳ ସେତକ ନୁହେଁ ଅକ୍ସିଜେନ ସଂଯୁକ୍ତ ବେଡ ଓ ଭେଣ୍ଟିଲେଟରଯୁକ୍ତ ଆମ୍ବୁଲାନ୍ସ ପାଇଁ ମଧ୍ୟ ବିଧାୟକ ପାଣ୍ଠି ବିନିଯୋଗ କରାଯିବାକୁ ବିଜେପି ବିଧାୟକମାନେ ଦାବି କରିଛନ୍ତି । ଏହି ଦାବିକୁ ଅଧିନିୟମରେ ସଂଯୁକ୍ତ କରିବାକୁ ସେମାନେ ଦାବି କରିଛନ୍ତି ।