ମୋ ଝିଅକୁ ମାରିଦେଲେ

ବରୀ (ବଡ଼ ଖବର ବ୍ୟୁରୋ): ବଧୂ ହତ୍ୟା ଅଭିଯୋଗ । ଯାଜପୁର ଜିଲ୍ଲ୍ା ବରୀ ବ୍ଲକ ମେଦୁଆକୂଳ ଗାଁରେ ଘଟିଛି ଏଭଳି ଘଟଣା । ଅଭିଯୋଗ ଆଣିଛନ୍ତି ମୃତ୍ୟୁବରଣ କରିଥିବା ଝିଅର ବାପା । ମେଦୁଆକୂଳ ଗାଁର ପତିତପାବନ ଶାନ୍ତିଙ୍କ ପୁଅ ଜ୍ଞାନରଞ୍ଜନ ଶାନ୍ତିଙ୍କ ସହ କଟକ ଜିଲ୍ଲା ମାହାଙ୍ଗା ବ୍ଲକ ଗୋକନା ଗାଁର ଗୟାଧର ମଲ୍ଲଙ୍କ ଝିଅ ରୀନା ମଲ୍ଲଙ୍କ ସହ ବିବାହ ହୋଇଥିଲା । ବିବାହ ବେଳେ ଯୈ÷ାତୁକ ବାବଦକୁ ୧ଲକ୍ଷ ଟଙ୍କା ସୁନା ଅଳଙ୍କାର ସହ ଆସବାବପତ୍ର ଦିଆଯାଇଥିଲା । ଜ୍ଞାନରଞ୍ଜନଙ୍କର ତାଙ୍କ ବଡ ଭାଉଜଙ୍କ ସହ ସମ୍ପର୍କ ଥିବା ଗୟାଧର ଅଭିଯୋଗ କରିଛନ୍ତି । ରୀନାଙ୍କୁ ଶାରିରୀକ ନିର୍ଯ୍ୟାତନା ଦେବା ସହ ମାରି ଦେବାକୁ ଧମକ ମଧ୍ୟ ଦିଆଯାଇଥିଲା । ତେବେ ମଙ୍ଗଳବାର ଝିଅ ଛାତରୁ ପଡି ମୃତ୍ୟୁବରଣ କରିଥିବା ଖବର ମିଳିଥିଲା । କିନ୍ତୁ ରୀନାଙ୍କ ତଂଟି ଚିପି ହତ୍ୟା କରାଯାଇଥିବା ରୀନାଙ୍କ ବାପା ଘର ପକ୍ଷରୁ ଥାନାରେ ଅଭିଯୋଗ ହୋଇଛି । ଥାନା ଅଧିକାରୀ ଅଜୟ କୁମାର ଜେନା ପହଞ୍ଚି ଜ୍ଞାନରଞ୍ଜନଙ୍କୁ ଅଟକ ରଖି ତଦନ୍ତ ଚଳାଇଛି ।