କୃଷକ ଆନ୍ଦୋଳନକୁ ବିଜେପି ନେତାଙ୍କ ସମର୍ଥନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କୃଷି ଆଇନ ବିରୋଧରେ ଦେଶବ୍ୟାପୀ ଚାଲିଥିବା କୃଷକ ଆନ୍ଦୋଳନକୁ ପ୍ରଥମଥର ପାଇଁ କେହି ଜଣେ ବିଜେପି ସାଂସଦ ସମର୍ଥନ କରିଥିବା ଦେଖିବାକୁ ମିଳିଛି । ବିଶେଷକରି ଆଜି ମୁଜାଫରନଗରରେ କୃଷକଙ୍କ ମହାପଞ୍ଚାୟତ ଚାଲିଥିବା ବେଳେ ପିଲଭିଟ ଆସନରୁ ବିଜେପି ସାଂସଦ ଥିବା ବରୁଣ ଗାନ୍ଧୀ, କୃଷକଙ୍କ ଆନ୍ଦୋଳନ ତଥା ଦାବିକୁ ସମର୍ଥନ କରିବା ଦେଖିବାକୁ ମିଳିଛି ।
ବରୁଣ କହିଛନ୍ତି, ଏମାନେ ଆମ ନିଜର, ସେମାନଙ୍କ ଦାବି ପ୍ରତି ସମ୍ମାନ ଜଣାଇବା ଉଚିତ । ସେମାନଙ୍କ ଯନ୍ତ୍ରଣା ବୁଝିବାକୁ ହେବ । ସେମାନଙ୍କର ଦୃଷ୍ଟିକୋଣକୁ ଜାଣିବା ପାଇଁ ତୃଣମୂଳସ୍ତରରୁ ପୁନଃ ଆଲୋଚନା କରାଯିବ ଅପରିହାର୍ଯ୍ୟ ହୋଇପଡିଛି । ଆଲୋଚନା ମାଧ୍ୟମରେ ଯେକୌଣସି ସମସ୍ୟାର ସମାଧାନ ହୋଇପାରିବ । କୃଷକଙ୍କ ପ୍ରତି ନିଜ ସମର୍ଥନକୁ ସେ ନିଜ ସୋସିଆଲ ଆକାଉଣ୍ଟରେ ମଧ୍ୟ ପୋଷ୍ଟ କରିଛନ୍ତି ।