ବିଜେଡିରେ ଟିକେଟ ବାଣ୍ଟିଲେ ସାଂସଦଙ୍କ ସ୍ୱାମୀ

ଭଦ୍ରକ (ବଡ଼ ଖବର ବ୍ୟୁରୋ): ବିଜେଡିରେ ଟିକେଟ ବାଣ୍ଟିଲେ ସାଂସଦଙ୍କ ସ୍ୱାମୀ । ୨୦୨୪ ନିର୍ବାଚନକୁ ନେଇ ରାଜ୍ୟ ରାଜନୀତିରେ ଘଡିକେ ଘୋଡା ଛୁଟୁଛି । କାହାକୁ କେଉଁଠି ଟିକେଟ ମିଳିବ ତାକୁ ନେଇ ଦ୍ୱନ୍ଦ୍ୱ । କିନ୍ତୁ ଭଦ୍ରକ ଧାମନଗରରେ ଟିକେଟ ବାଣ୍ଟିଛନ୍ତି ସାଂସଦ ମଞ୍ଜୁଲତା ମଣ୍ଡଳଙ୍କ ସ୍ୱାମୀ ମୁକ୍ତିକାନ୍ତ ମଣ୍ଡଳ । ଧାମନଗରରେ ଜନସମ୍ପର୍କ ପଦଯାତ୍ରା ଚାଲିଥିବା ବେଳେ ମୁକ୍ତିକାନ୍ତ ମଣ୍ଡଳ ଟିକେଟ ବାଣ୍ଟିବା ରାଜନୀତିରେ ହଇଚଇ ସୃଷ୍ଟି କରିଛି ।

ଡାକ୍ତର ସଞ୍ଜୟ ଦାଶଙ୍କୁ ଧାମନଗର ବିଜେଡି ବିଧାୟକ ପ୍ରାର୍ଥୀ ଭାବରେ ଘୋଷଣା କରିଛନ୍ତି ମୁକ୍ତିକାନ୍ତ । ଧାମନଗର ଉପନିର୍ବାଚନରେ ବିଜେଡିରୁ ବିଦା ହୋଇଥିବା ରାଜେନ୍ଦ୍ର ଦାଶଙ୍କୁ ବାଦ ଦେଇ ଅବନ୍ତୀ ଦାଶଙ୍କୁ ଟିକେଟ ଦେଇଥିଲା ବିଜେଡି । ତେବେ ଏତେ ବଡ଼ କ୍ଷମତା ମୁକ୍ତିକାନ୍ତ ପାଇଲେ କେମିତି ଯାହା ଏବେ ସେହି ଅଂଚଳରେ ଚର୍ଚ୍ଚାର ବିଷୟ ପାଲଟିଛି ।