ଏସଆଇ ମାଆଙ୍କ ହତ୍ୟା ଘଟଣା ଉପରୁ ଉଠିଲା ପରଦା
ବିଞ୍ଝାରପୁର (ବଡ଼ ଖବର ବ୍ୟୁରୋ): ମଧୁସୂଦନପୁର ପୋଲିସ ଏସଆଇ ମାଆଙ୍କ ହତ୍ୟା ଘଟଣା ଉପରୁ ଉଠିଲା ପରଦା । ମୁଖ୍ୟ ଅଭିଯୁକ୍ତ ହେଉଛି ମହିଳାଙ୍କ ସ୍ୱାମୀ । ସମ୍ପତି ଲୋଭ ଓ ପାରିବାରିକ କଳହକୁ ନେଇ ଏଭଳି ଜଘନ୍ୟ ହତ୍ୟାକାଣ୍ଡ ଘଟାଇଛି ସ୍ଵାମୀ ଅଲେଖ । ସ୍ଵାମୀ ଅଲେଖ ବେହେରା ଓ ତାର ଆଉ ଜଣେ ସହଯୋଗୀ ବାଦଲ ବେହେରାଙ୍କୁ ଗିରଫ କରିଛି ବିଂଝାରପୁର ପୋଲିସ । ଏ ନେଇ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଲେ ଯାଜପୁର ଏସଡିପିଓ ସତ୍ୟବ୍ରତ ଲେଙ୍କା । ଗତ ୧୫ ତାରିଖ ମଧୁସୁଧନପୁର ଆତଙ୍କନାଶକ ଉଚ୍ଚ ବିଦ୍ୟାଳୟ ବାଳକ ଶୌଚାଳୟରୁ ମିଳିଥିଲା ବିନୋଦିନୀଙ୍କ ମୃତ ଦେହ ।
ପ୍ରଥମେ ଏହା ସୁନା ଲୁଟ କାରଣରୁ ହତ୍ୟା କରାଯାଇଥିବା ବିଂଝାରପୁର ପୋଲିସ ସଂନ୍ଦେହ କରିଥିଲା ପରେ ସିସିଟିଭି ଓ ମୋବାଇଲ ଟ୍ରାକିଙ୍ଗ ଆଧାରରେ ମୁଖ୍ୟ ଅଭିଯୁକ୍ତ ପାଖରେ ପହଁଚିଥିଲା ବିଂଝାରପୁର ପୋଲିସ । ଅଲେଖ ବେହେରା ଓ ତାର ସହଯୋଗୀ ବାଦଲ ବେହେରା ବିନୋଦିନୀଙ୍କୁ ଲୁହା ରଡ଼ରେ ପିଟି ପିଟି ହତ୍ୟା କରିଥିଲେ । ଦୁଇ ଅପରାଧୀଙ୍କୁ ଧରି ପୋଲିସ ପ୍ରଥମେ କ୍ରାଇମ ସିନ ରିକ୍ରିଏସନ କରିବା ସହ ହତ୍ୟାରେ ବ୍ୟବହୃତ ଲୁହା ରଡ଼କୁ ଜବତ କରିବା ସହ ମୁଖ୍ୟ ଅଭିଯୁକ୍ତ ଅଲେଖ ବେହେରା ଓ ସହଯୋଗୀ ବାଦଲ ବେହେରାଙ୍କୁ କୋଟ ଚାଲାଣ କରିଛି ।