ବିଜେପିରେ ଯୋଗଦେଲେ ବିଜେଡିର ଶତାଧିକ କର୍ମୀ

ଢେଙ୍କାନାଳ(ବଡ଼ ଖବର ବ୍ୟୁରୋ): ଢେଙ୍କାନାଳରେ ବିଜେପିର ଶକ୍ତି ପ୍ରଦର୍ଶନ । ଢେଙ୍କାନାଳ ଲୋକସଭା ପ୍ରାର୍ଥୀ ରୁଦ୍ରନାରାୟଣ ପାଣି ଏବଂ କାମାକ୍ଷାନଗର ବିଧାନସଭା ପ୍ରାର୍ଥୀ ଶତ୍ରୁଘ୍ନ ଜେନାଙ୍କ ଶକ୍ତି ପ୍ରଦର୍ଶନ । ଭୁବନ ବିଜ୍ଞାପିତ ଅଞ୍ଚଳର ମା କାଲୁଣି ମନ୍ଦିରଠାରୁ ହଜାର ହଜାର ସମର୍ଥକଙ୍କ ସହିତ ଏକ ଶୋଭାଯାତ୍ରାରେ ବାହାରି ସ୍ଥାନୀୟ ପାଲାମଣ୍ଡପ ପଡ଼ିଆରେ ପହଞ୍ଚି ସେଠାରେ ଏକ ମିଶ୍ରଣ ପର୍ବ କରିଛି ଜିଲ୍ଲା ବିଜେପି। ଏହି ମିଶ୍ରଣ ପର୍ବରେ ଦଳର ପୁରୁଖା ନେତା ତଥା ଢେଙ୍କାନାଳ ସାଂସଦ ପ୍ରାର୍ଥୀ ଶ୍ରୀଯୁକ୍ତ ରୁଦ୍ରନାରାୟଣ ପାଣି ଏବଂ କାମାକ୍ଷାନଗର ବିଧାୟକ ପ୍ରାର୍ଥୀ ଶତ୍ରୁଘ୍ନ ଜେନାଙ୍କ ସହିତ ଦଳର ଅନେକ କାର୍ଯ୍ୟକର୍ତ୍ତାଙ୍କ ଉପସ୍ଥିତିରେ ୧୫୦ରୁ ଅଧିକ ବିଜେଡି ଦଳର କର୍ମୀ ବିଜେପିରେ ଯୋଗ ଦେଇଥିଲେ ।