ଅବକାରୀ ବିଭାଗ ହାଜତରେ ଅଟକ ଅଭିଯୁକ୍ତ ଗୁରୁତର

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱର ଅବକାରୀ ହେପାଜତରେ ଥାଇବି ବିଷ ପିଇଲେ ଅଭିଯୁକ୍ତ। ଗୁରୁତର ଅବସ୍ତାରେ ଅଭିଯୁକ୍ତଙ୍କୁ ବାଲେଶ୍ୱର ମେଡିକାଲ ନେଇ ଚିକିତ୍ସା କରୁଛି ବାଲେଶ୍ୱର ଅବକାରୀ ବିଭାଗ । ବାଲେଶ୍ଵର ପାତ୍ରପଡ଼ା ଅଞ୍ଚଳର ସରକାରୀ ମଦ ବ୍ୟବସାୟୀ ନବ କିଶୋର ରାୟଙ୍କ ଘରୁ ଏକ୍ସପାରି ମଦ ଧରା ପଡ଼ିବା ପରେ ବ୍ୟବସାୟୀ ନବକିଶୋରଙ୍କୁ ଅବକାରୀ ବିଭାଗର ଉଠାଇ ଆଣିଥିଲେ ।

ନବକିଶୋର ରାୟ ଅବକାରୀ ହେପାଜତକୁ ଆସିବାର କିଛି ସମୟ ପରେ ବ୍ୟବସାୟୀ ଜଣକ ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ମଦ ବ୍ୟବସାୟୀ ନବ କିଶୋର ଅବକାରୀ ବିଭାଗର ହେପାଜତରେ ଥାଇ ବିଷ ପିଇଛନ୍ତି ବୋଲି ନବକିଶୋର ଙ୍କ ପରିବାର ଲୋକ ଥାନରେ ଅଭିଯୋଗ କରୁଛନ୍ତି । ସେପଟେ ଅବକାରୀ ବିଭାଗର ପକ୍ଷରୁ କୋଣସି ପ୍ରତିକ୍ରିୟା ମିଳିପାରିନାହିଁ ।