ଭୁବନେଶ୍ୱର(ବଡ଼ ଖବର ବ୍ୟୁରୋ): ଦିନକୁ ଦିନ ପଶ୍ଚିମବଙ୍ଗ ରାଜନୀତିରେ ଭିନ୍ନ ଭିନ୍ନ ମୋଡ ସୃଷ୍ଟି ହେବାରେ ଲାଗିଛି । ଇତିମଧ୍ୟରେ ବର୍ତ୍ତମାନ ବିଜେପିକୁ ଛାଡି ଶାସକ ଦଳରେ ମିଶିଥିବା ବିଧାୟକଙ୍କୁ ଭାରତୀୟ ଜନତା ପାର୍ଟି ଆଇନଗତ ନୋଟିସ ଜାରି କରିଛି । ତେବେ ଏହି ଦୁଇ ବିଧାୟକ ହେଉଛନ୍ତି ତନ୍ମୟ ଘୋଷ ଓ ବିଶ୍ୱଜିତ ଦାସ । କିଛିଦିନ ପୂର୍ବରୁ ଉଭୟ ନେତା ତୃଣମୂଳ କଂଗ୍ରେସରେ ଯୋଗଦେଇଥିଲେ । ଏହା ଛଡା ଜୁନ ୧୧ ତାରିଖରେ ମୁକୁଲ ରୟ ବିଜେପି ଛାଡି ପୁଣିଥରେ ତୃଣମୂଳ କଂଗ୍ରେସରେ ଯୋଗ ଦେଇଥିଲେ ।
ଅପରପକ୍ଷେ ବିଧାନସଭା ନିର୍ବାଚନ ପୂର୍ବରୁ ଅନେକ ତୃଣମୂଳ ନେତା ବିଜେପିରେ ମିଶିଥିଲେ । ଏପରିକି ମମତା ବାନାର୍ଜୀଙ୍କର ପୂର୍ବତନ ଘନିଷ୍ଠ ସହଯୋଗୀ ଶୁଭେନ୍ଦୁ ଅଧିକାରୀ ମଧ୍ୟ ଦଳ ଛାଡି ଭାରତୀୟ ଜନତା ପାର୍ଟିରେ ମିଶିଥିଲେ । ଏହା ସତ୍ତେ୍ୱ ରାଜ୍ୟ ବିଧାନସଭା ନିର୍ବାଚନରେ ୨୯୪ଟି ଆସନ ମଧ୍ୟରୁ ତୃଣମୂଳ କଂଗ୍ରେସ ୨୧୩ଟି ଆସନରେ ବିଜୟ ଲାଭ କରିଥିଲା । ବିଜେପି କେବଳ ୭୭ଟି ନିର୍ବାଚନମଣ୍ଡଳୀରେ ଜିତିବାରେ ସଫଳ ହୋଇଥିଲା ।
