ଭୁବନେଶ୍ୱର (ବଡ଼ ଖବର ବ୍ୟୁରୋ): ପାଇକ ବିଦ୍ରୋହ ସ୍ମାରକୀକୁ ନେଇ ରାଜ୍ୟସରକାରଙ୍କ ଉପରେ ବର୍ଷିଲା ବିଜେପି । ରାଜ୍ୟ ବିଜେପି ଉପସଭାପତି ଲଳିତେନ୍ଦୁ ବିଦ୍ୟାଧର ମହାପାତ୍ର ପ୍ରେସମିଟ୍ କରି କହିଛନ୍ତି ୨୦୧୭ ଜାନୁଆରୀ ୧୮ ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଥିଲେ । ୨୦୧୭ରୁ ୨୦୨୩ ହୋଇଗଲାଣି, ଛ ବର୍ଷ ବିତିଲାଣି ଜମି ହସ୍ତାନ୍ତର ହୋଇପାରିଲା ନାହିଁ । କେନ୍ଦ୍ର ସଂସ୍କୃତି ବିଭାଗ ୫୦ ଏକର ଜମି ମାଗି ଥିବା ବେଳେ, ୯.୫ ଏକର ଜମି ଦେଇଛି ରାଜ୍ୟ ସରକାର । ରାଜ୍ୟ ପକ୍ଷରୁ ଦିଆଯାଇଥିବା ଜମିର କ୍ଳିଅରାନ୍ସ ଦେଇନାହାନ୍ତି ରାଜ୍ୟ ସରକାର ।
ଗଛ କଟା ଗଲା ନାହିଁ, ଇଲେକ୍ଟ୍ରି ପୋଲ ସ୍ଥାନାନ୍ତର ହୋଇନାହିଁ । ଏପଟେ ୭୭୯ ଗଛର ସ୍ଥାନାନ୍ତରଣ ଲାଗି ୫୫ ଲକ୍ଷ ଟଙ୍କା ରାଜ୍ୟ ସରକାର ଆଇଓସିଏଲ ଠାରୁ ନେଇଛନ୍ତି । ରାଜ୍ୟ ସରକାର କେନ୍ଦ୍ର ସଂସ୍କୃତି ବିଭାଗକୁ ଜମି ହସ୍ତାନ୍ତର କରୁ ନାହାନ୍ତି, ସେଥିପାଇଁ କାମ ଆଗେଇ ପାରୁ ନାହିଁ । ଯେତେ ଶୀଘ୍ର ଜମିକୁ ବନ ବିଭାଗ ହସ୍ତାନ୍ତର କରିବେ କାମ ଶୀଘ୍ର ଆରମ୍ଭ ହେବ ନଚେତ ପାଇକ ସ୍ମାରକୀ କରିବା ପାଇଁ ବିଜେଡିର ଆଗ୍ରହ ନାହିଁ । ସେମାନଙ୍କୁ ଜଗନ୍ନାଥ ସଦବୁଦ୍ଧି ଦିଅନ୍ତୁ, ଆଗାମୀ ଅଧିବେଶନରେ ବିଧାନସଭାରେ ଏ ପ୍ରସଙ୍ଗ ଉଠାଇବ ବିଜେପି ।
