ଦରବୃଦ୍ଧି ପ୍ରତ୍ୟାହାର ଦାବିରେ ଆଜିଠୁ ରାସ୍ତାକୁ ଓହ୍ଲାଇବ ବିଜେପି

ଭୁବନେଶ୍ୱର (ବଡ଼ ଖବର ବ୍ୟୁରୋ): ବୁଧବାର ଠାରୁ ରାସ୍ତାକୁ ଓହ୍ଲାଇବ ବିଜେପି । ବୁଜୁଳି ଦର ଵୃଦ୍ଧିକୁ ବିଜେପିର ବିରୋଧ । । ଆଜିଠୁ ସପ୍ତାହବ୍ୟାପୀ ସାରା ରାଜ୍ୟରେ କରିବ ଆନ୍ଦୋଳନ। ଆସନ୍ତା୨୦ ତାରିଖ ପର୍ଯ୍ୟନ୍ତ ଜୋରଦାର ହେବ ପ୍ରତିବାଦ । ସମସ୍ତ ବିଜୁଳି ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିବେ ଦଳୀୟ ନେତା।

କରୋନା ମହାମାରୀ ସମୟରେ ବହୁ କଷ୍ଟରେ ଜୀବନଯାପନ କରୁଛନ୍ତି ରାଜ୍ୟବାସୀ । ପ୍ରତି ପରିବାରର ଆର୍ଥିକ ସ୍ଥିତି ଦୋହଲି ଯାଇଛି। ଏପରି ସମୟରେ ରାଜ୍ୟ ସରକାରଙ୍କ ତ୍ରୁଟିପୂର୍ଣ୍ଣ ପରିଚାଳନା ଯୋଗୁଁ ବାରମ୍ବାର ବିଜୁଳି ଦର ବୃଦ୍ଧି ପାଉଛି ବୋଲି ବିଜେପି ରାଜ୍ୟ ସଭାପତି ସମୀର ମହାନ୍ତି କହିଛନ୍ତି। କରୋନା କାଳରେ ୟୁନିଟ ପିଛା ୫୦ ପଇସାର ଦର ବୃଦ୍ଧି ସମସ୍ତଙ୍କୁ କଷ୍ଟ ଦେଉଛି। ସାରା ଭାରତରେ ଏଟିସି ଲସ ଓ ଟିଡିଟି ଲସ ୧୮ ପ୍ରତିଶତ ରହିଛି। ହେଲେ ଓଡିଶାରେ ୨୯.୭ ଲସ ହେଉଛି । କରୋନା ସମୟରେ ଦୁଇ ଦୁଇ ଥର ବିଜୁଳି ଦର ବୃଦ୍ଧି କରିଛନ୍ତି ରାଜ୍ୟ ସରକାର ।