ଠିକାଦାରଙ୍କ ମୃତ୍ୟୁ

ଖୋର୍ଦ୍ଧା (ବଡ଼ ଖବର ବ୍ୟୁରୋ): ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ଚଣ୍ଡେଶ୍ୱର ଛକ ନିକଟ ମୁଣ୍ଡାଳ ରାସ୍ତାରେ ଗୁଳିମାଡ , ଏଥିରେ ଜଣେ ଯୁବ ଠିକାଦାର ଙ୍କର ମୃତ୍ୟୁ ହୋଇଛି । ମୃତ ଠିକାଦାର ଜଣକ ହେଉଛନ୍ତି ଟାଙ୍ଗୀ ଥାନା ରାଧାମୋହନପୁର ଗ୍ରାମର ରମେଶ ରାଉତ । ଏକ ବାଇକ୍ ଯୋଗେ ଏହି ଯୁବ ଠିକାଦାର ରମେଶ ରାଉତ ଙ୍କ ସମେତ ଆଉ ୨ ଜଣ ଯୁବକ ନିଜ ଘରକୁ ଫେରୁଥିବା ବେଳେ ହଠାତ୍ ଆଉ ଆଉ ଏକ ବାଇକ୍ ଯୋଗେ ୨ ଜଣ ଯୁବକ ଆସି ସେମାନଙ୍କ ନିକଟରେ ପହଞ୍ଚି ଥିଲେ । ପରେ ବାଇକ୍ ଯୋଗେ ଆସିଥିବା ଏହି ୨ ଜଣ ଦୃବୁର୍ତ୍ତ ଙ୍କ ମଧ୍ୟରୁ ଜଣେ ଦୃବୁର୍ତ୍ତ ଏକ ବନ୍ଧୁକ ଯୋଗେ ଯୁବ ଠିକାଦାରଙ୍କ ଉପରକୁ ୩ ରାଉଣ୍ଡ୍ ଗୁଳି ମାଡ କରିଥିଲେ , ଆଉ ସେହିଠାରେ ହିଁ ଏହି ଯୁବ ଠିକାଦାରଙ୍କ ମୃତ୍ୟୁ ହୋଇଥିଲା । ଗୁଳିମାଡ ପରେ ଦୃବୁର୍ତ୍ତ ମାନେ ଘଟଣା ସ୍ଥଳରୁ ଚମ୍ପଟ ମାରିଥିଲେ । ତଥାପି ଚିକିତ୍ସା ପାଇଁ ଗୁଳିମାଡ ହୋଇଥିବା ଯୁବ ଠିକାଦାର ରମେଶ ରାଉତ ଙ୍କୁ ଟାଙ୍ଗୀ ମେଡିକାଲ ରେ ଭର୍ତ୍ତି କରାଯାଇଥିଲା ହେଲେ ଡାକ୍ତର ମୃତ ଘୋଷଣା କରିଥିଲେ । ଖବର ପାଇ ଟାଙ୍ଗୀ ପୋଲିସ ପକ୍ଷରୁ ତନାଘନା ଆରମ୍ଭ ହୋଇଛି । ଠିକାଦାରଙ୍କ ମୃତ ଦେହ ଜବତ କରି କିଏ ଓ କାହିଁକି ଏପରି ଗୁଳିମାଡ କଲା ତାହାର ଖୋଳତାଡ କରୁଛି ଟାଙ୍ଗୀ ପୋଲିସ ।