ଚାନ୍ଦବାଲି ବ୍ଲକ ଦୋଳମଣ୍ଡପ ସରକାରୀ ବିଦ୍ୟାଳୟରେ ବ୍ଲକସ୍ତରୀୟ ବିଜ୍ଞାନ ମେଳା ଅନୁଷ୍ଠିତ

ଚାନ୍ଦବାଲି (ବଡ଼ ଖବର ବ୍ୟୁରୋ):ଛାତ୍ରଛାତ୍ରୀ ମାନଙ୍କ ପ୍ରତିଭା ଜ୍ଞାନ କୌଶଳର ବିକଶିତ ପାଇଁ ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଦୋଳମଣ୍ଡପ ସରକାରୀ ଉଚ୍ଚ ବିଦ୍ୟାଳୟରେ ବ୍ଲକସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଛି। ଏଥିରେ ଚାନ୍ଦବାଲି ବ୍ଲକର ୧୨୦ଟି ସ୍କୁଲ ଭାଗ ନେଇଥିଲେ। ଛାତ୍ରଛାତ୍ରୀ ମାନଙ୍କ ଜ୍ଞାନ କୌଶଳରେ ନିର୍ମିତ କୃଷି ଯନ୍ତ୍ରପାତି ପାଖରୁ ଆରମ୍ଭ କରି ବିଭିନ୍ନ ବର୍ଜ୍ୟବସ୍ତୁକୁ କିପରି ମଣିଷ ସମାଜରେ କାମରେ ଲାଗିବ ସେ ବିଷୟରେ ଅବଗତ କରାଇଥିଲେ । ଏହି ବିଜ୍ଞାନ ମେଳାରେ ୧୨୦ଟି ପ୍ରାଥମିକ ଓ ଉଚ୍ଚପ୍ରାଥମିକ ବିଦ୍ୟାଳୟର ୧୭୦ ଟି ବିଜ୍ଞାନ ପ୍ରକଳ୍ପ କୁନି କୁନି ବୈଜ୍ଞାନିକ ମାନେ ଆଣିଥିଲେ । ସଭାରେ ସମ୍ମାନିତ ଅତିଥି ରୂପେ ଅତିରିକ୍ତ ବ୍ଲକ ଶିକ୍ଷାଅଧିକାରୀ ଶୁଭେନ୍ଦୁ ମହାରାଜ ବିଜ୍ଞାନ କୋଡନେଟ ଅମୁଲ୍ୟରାଉତ, ଆଂଚଳିକ ସାଧନ କେନ୍ଦ୍ର କର୍ମୀ ପ୍ରଭାକର ସାମଲ ପ୍ରଧାନ ଶିକ୍ଷକ ଶ୍ରୀକାନ୍ତ ମହାଳିକ ଉପସ୍ଥିତ ରହି କୁନି କୁନି ପିଲାଙ୍କୁ ପୁରସ୍କୃତ କରିଥିଲେ। ସେମାନେ ଆଗମୀ ଦିନରେ ନିଜର ପ୍ରତିଭା ପାଁଇ କିଭଳି ଓଡ଼ିଶାର ଉନ୍ନତ୍ତି କରିବେ ସେ ବିଷୟରେ ଛାତ୍ରଛାତ୍ରୀ ମାନଙ୍କ ପାଇଁ ଅଭିଭାସଣ ରଖିଥିଲେ।