୪୦ଦିନିଆ ବିଧାନସଭା ଡାକିଲେ ସରକାର, କିନ୍ତୁ ପଳାୟନପନ୍ଥୀ ସାଜି ୪୦ରୁ ଶୂନ କାଟି ଦେଲେ: ନରସିଂହ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ୪ ଦିନରେ ସରିଗଲା ବିଧାନସଭା ଶୀତ ଅଧିବେଶନ । ୪୦ଦିନିଆ ବିଧାନସଭା ଡାକିଲେ ସରକାର , କିନ୍ତୁ ପଳାୟନପନ୍ଥୀ ସାଜି ଚାରିରୁ ଶୂନ କାଟି ଦେଲେ । ୪ ଦିନରେ ବିଧାନସଭା ସରିଯିବା ପ୍ରସଙ୍ଗକୁ ନେଇ ପ୍ରତିକ୍ରିୟା ରଖି ଏଭଳି କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଅଗଣତାନ୍ତ୍ରିକ ଭାବେ ଗୃହକୁ ବନ୍ଦ କରିଦେଇଛନ୍ତି। ଅଗଣତାନ୍ତ୍ରିକ ପରମ୍ପରା ବିରୋଧୀ ସରକାର। ତାଙ୍କ ସରକାର କେତେବେଳେ କ’ଣ କହୁଛନ୍ତି ତାଳ ମେଳ ରହୁନି। ମନ୍ତ୍ରୀ କିଛି ବୁଝନ୍ତି ନାହିଁ । ସେଥିପାଇଁ କ୍ୟାବିନେଟ୍ ନିଷ୍ପତ୍ତିକୁ ନେଇ ମଧ୍ୟ ଦ୍ୱନ୍ଦ୍ୱରେ ଅଛନ୍ତି ସରକାର। ଚଳିତ ବିଧାନସଭାରେ ହାଇଡ୍ରାମା ଦେଖିବାକୁ ମିଳିଥିଲା । ଆଦିବାସୀ ଜମି ପ୍ରସଙ୍ଗକୁ ନେଇ ଉଠିଥିଲା ପଡିଥିଲା ଗୃହ । କୋଶଳୀ ଭାଷାରେ ନିଜ ପ୍ରଶ୍ନ ରଖିଥିଲେ ନରସିଂହ । ୪୦ ଦିନର ଅଧିବେଶନ ୪ ଦିନରେ ଶେଷ ହୋଇଛି ।