ଯାଜପୁରରେ ବଣୁଆ ହାତୀ ଆତଙ୍କ

ଯାଜପୁର (ବଡ଼ ଖବର ବ୍ୟୁରୋ):ବଣୁଆ ହାତୀ ଆତଙ୍କରେ ଭୟଭୀତ ଗ୍ରାମବାସୀ । ଯାଜପୁର ଜିଲ୍ଲା ଦଶରଥପୁର ବ୍ଲକ ଅନ୍ତର୍ଗତ ରାହସୋଈ, ଖଣ୍ଡରା, ଚିତାଳ ଆଦି ଜନବସତି ଏବଂ ଚାଷ ଜମିରେ ବଣୁଆ ହାତୀର ଆତଙ୍କ ଦେଖାଦେଇଛି । ଦୁଇ ଦିନ ହେବ ବନବିଭାଗର ଏକ ସ୍ୱତନ୍ତ୍ର ଟିମ ହାତୀର ଗତିବିଧି ଉପରେ ନଜର ରଖିଛନ୍ତି । ହାତୀଟି କେତେ ବେଳେ ଜନବସତି ମୁହାଁ ହେଉଛି ତ, ଆଉ କେତେବେଳେ କ୍ଷେତରେ ଥିବା ପାଚିଲା ଧାନକୁ ନଷ୍ଟ କରିବାରେ ଲାଗିଛି । ଯାହାଫଳରେ ଯାଜପୁର ଦଶରଥପୁର ଅଞ୍ଚଳର ସାଧାରଣ ଲୋକେ ଭୟଭୀତ ଅବସ୍ଥାରେ ଅଛନ୍ତି । ଜଙ୍ଗଲ ଗୁଡିକୁ କାଟି ସଫା କରିଦେଉଥିବାରୁ ବନ୍ୟଜନ୍ତୁ ମାନେ ଗାଁ ମୁହାଁ ହେଉଛନ୍ତି ବୋଲି ବୁଦ୍ଧିଜୀବୀ ମାନେ ପ୍ରତିକ୍ରିୟା ରଖିଛନ୍ତି ।