ହର୍ମୁଜ ପ୍ରଣାଳୀ ଅବରୋଧ କଲେ ୨୦ ଗୁଣ ଅଧିକ କାର୍ଯ୍ୟାନୁଷ୍ଠାନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଯଦି ଇରାନ ହର୍ମୁଜ ପ୍ରଣାଳୀରେ ତେଲ ଟ୍ୟାଙ୍କରଗୁଡ଼ିକୁ ଅବରୋଧ କରେ ତେବେ “କୋଡ଼ିଏ ଗୁଣ ଅଧିକ” ସାମରିକ କାର୍ଯ୍ୟାନୁଷ୍ଠାନ ନିଆଯିବ ବୋଲି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଏକ କଠୋର ଚେତାବନୀ ଦେଇଛନ୍ତି । କହିଛନ୍ତି, ଆମେ ଏଭଳି ବିନାଶ ଲୀଳା ରଚିବୁ ଯେ ଇରାନ ନିଜକୁ କେବେ ଏକ ଦେଶ ଭାବରେ ପୁନରୁଦ୍ଧାର କରିପାରିବ ନାହିଁ ।
କିନ୍ତୁ ମୁଁ ଆଶା କରୁଛି ଓ ପ୍ରାର୍ଥନା କରୁଛି ଯେ ଏପରି କେବେ ବି ନଘଟୁ” । ଟ୍ରମ୍ପ ତାଙ୍କର ଏହି ପଦକ୍ଷେପକୁ ଅନ୍ତର୍ଜାତୀୟ ଶକ୍ତି ବଜାରକୁ ସୁରକ୍ଷା ଦେବା ପାଇଁ ଏକ ପ୍ରମୁଖ ପ୍ରୟାସ ଭାବରେ ଉପସ୍ଥାପନ କରିଥିଲେ। ସେ ଏହାକୁ “ଆମେରିକା ପକ୍ଷରୁ ଚୀନ୍ ଓ ହରମୁଜ୍ ପ୍ରଣାଳୀକୁ ବ୍ୟାପକ ଭାବରେ ବ୍ୟବହାର କରୁଥିବା ସମସ୍ତ ଦେଶ ପାଇଁ ଏକ ଉପହାର” ବୋଲି କହିଥିଲେ । ସେ ଆହୁରି ମଧ୍ୟ କହିଥିଲେ, “ମୁଁ ଆଶା କରୁଛି ଏହି ପଦକ୍ଷେପକୁ ବହୁତ ପ୍ରଶଂସା କରାଯିବ।”