କ୍ଷୀରୋଦଙ୍କୁ ମୋହରା, ପ୍ରମିଳାଙ୍କ ଉପରେ ଆଖି!

ଭୁବନେଶ୍ୱର (ବଡ଼ ଖବର ବ୍ୟୁରୋ):  ରେଡ୍ ସରିଲା ଟେନସନ୍ ବଢିଲା । ମଲ୍ଲିକ ପରିବାର ଉପରେ ଚଢାଉ କଲା ଇଡି । ପିଏମଏଲଏ ଅନୁସାରେ ଓଡ଼ିଶା ଏବଂ ଦିଲ୍ଲୀ ସମତେ ଚାରି ସ୍ଥାନରେ ହୋଇଥିଲା ରେଡ୍ । ଟେନସନରେ ଏବେ ବିଜେଡି ନେତ୍ରୀ ତଥା ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ । ଭାଇ କ୍ଷୀରୋଦଙ୍କ ଘରେ ଇଡିର ଏଣ୍ଟ୍ରି । ଭାଉଣୀ ପ୍ରମିଳାଙ୍କୁ ଘାରିଛି ଚିନ୍ତା । କ୍ଷିରୋଦଙ୍କୁ ମୋହରା, ପ୍ରମିଳାଙ୍କ ଉପରେ ଆଖି! ‘ବିଶ୍ୱ’ ଏନଜିଓ ଉପରେ ତିନିଦିନ ଧରି ମାରାଥନ ଖୋଳତାଡ୍ କରିଚାଲିଥିଲା ପ୍ରବର୍ତ୍ତନ ନିଦେ୍ର୍ଦଶାଳୟ । ସଂସ୍ଥା ନାଁରେ ପ୍ରମିଳାଙ୍କ ଭାଇ କ୍ଷୀରୋଦ ମଲ୍ଲିକ ଚଳାଇଥିଲେ ବେଆଇନ କାମ । ଆରବିଆଇ ଗାଇଡଲାଇନକୁ ଉଲ୍ଲଘଂନ କରୁଥିଲା ‘ବିଶ୍ୱ’ ସଂସ୍ଥା । ସାଧାରଣ ଲୋକଙ୍କ ଠାରୁ ଟଙ୍କା ଡିପୋଜିଟ ଗ୍ରହଣ କରୁଥିଲେ । ‘ବିଶ୍ୱ’ ସଂସ୍ଥା ନାଁରେ ୨ଶହ କୋଟିରୁ ଅଧିକ ବ୍ୟାଙ୍କ ଲୋନ କରି ହୋଇଛି ଠକେଇ । ରେଡ୍ ବେଳେ ୫୦୫ ବେନାମୀ ଆକାଉଣ୍ଟ ପାଇଛି ଇଡି । ୫୦୫ ଆକାଉଣ୍ଟରେ ଥିବା ୭୨ ଲକ୍ଷ ପ୍ରିଜ୍ । ୧୦ ଲକ୍ଷ ଟଙ୍କା, ଚେକ୍ ବୁକ୍, ଅନେକ ସେଲ-ଡିଡ୍ ଜବତ ହୋଇଛି ।

ପୂର୍ବରୁ ଇଓଡବ୍ଲୁ୍ୟ, ଓଡ଼ିଶା ପୋଲିସ, ସିବିଆଇରେ ହୋଇଥିଲା ଏଫଆଇଆର । ଆଉ ଏବେ ଇଡିର ପଡିଛି ନଜର । କିନ୍ତୁ ଏହାରି ଭିତରେ ବିଜେଡି ବିଧାୟକା ପ୍ରମିଳା ମଲ୍ଲିକଙ୍କ ଭାଇଙ୍କର ଦେହାନ୍ତ ହୋଇସାରିଛି । ଯାହା ଏବେ ପ୍ରମିଳାଙ୍କ ମୁଣ୍ଡ ବିନ୍ଧା ପାଲଟିଛି । କ’ଣ କରିବେ ତାହା ବର୍ତ୍ତମାନ ସୁଦ୍ଧା ବୁଝି ପାରୁନାହାନ୍ତି ବୋଧେ ମ୍ୟାଡାମ ପ୍ରମିଳା । ଯିଏ ଦିନେ ଦଳକୁ ଡିଫେଣ୍ଡ କରିବା ପାଇଁ ଆଗେଇ ଆସୁଥିଲେ କିନ୍ତୁ ସେ ଆଜି ନୀରବ । କୁଆଡେ ଉଭା ହୋଇଯାଇଛନ୍ତି ଯେ ଦେଖା ହିଁ ନାହିଁ । ନିଜେ କ୍ଷମତାରେ ବଳିୟାନ ଥିବା ସମୟରେ କୁଆଡେ ଏହି କଳା ସାମ୍ରାଜ୍ୟ ଗଢିତୋଳି ଥିଲେ ଭାଇ । ଚର୍ଚ୍ଚା ଏହା ବି ହେଉଛି କି ଏହି ଠକେଇ ପଛରେ ବି ରହିଛି ଭଉଣୀ ପ୍ରମିଳାଙ୍କ ହାତ । କାହିଁକି ନା ତାଙ୍କ ସରକାର ଥିବା ସମୟରେ ଅନେକ ମାମଲା ରୁଜୁ ହୋଇଥିଲେ ସୁଦ୍ଧା ସୁବୁ କିଛି ସାଫା ହୋଇଯାଉଥିଲା । କିନ୍ତୁ ଏବେ କ’ଣ ହେବ? ଭାଇ ନାହାନ୍ତି କାହା ମୁଣ୍ଡକୁ ଏବେ ଯିବ ଦୋଷ? କିଏ ମୁଣ୍ଡାଇ ବ ଏହି କଳଙ୍କ? କିଏ କରିବ ଆଇନର ସାମ୍ନା? କେମିତି ଏଥିରୁ ବର୍ତ୍ତିବେ ପ୍ରମିଳା କୁଆଡେ ସେଥିପାଇଁ ଚଳାଇଛନ୍ତି ପ୍ଲାନ୍ ।