ଭୁବନେଶ୍ୱର(ବଡ଼ ଖବର ବ୍ୟୁରୋ): କୋଭିଡ଼ ମହାମାରୀକୁ ଦୃଷ୍ଟିରେ ରଖି ଭାରତ ଓ ପାକିସ୍ତାନରୁ କାନାଡ଼ାକୁ ଯାଉଥିବା ଯାତ୍ରୀବାହୀ ବିମାନ ଗୁଡ଼ିକ ଉପରେ ଲାଗିଥିବା କଟକଣାକୁ ବୃଦ୍ଧି କରିଛନ୍ତି କାନାଡ଼ା ସରକାର । ଭାରତ ଓ ପାକିସ୍ତାନରୁ କାନାଡ଼ାକୁ ଯାଉଥିବା ବିମାନ ଗୁଡ଼ିକର ନିଷେଦ୍ଧାଜ୍ଞାକୁ ଜୁନ ୨୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏନେଇ ଶୁକ୍ରବାର କାନାଡ଼ାର ପରିବହନ ମନ୍ତ୍ରୀ ଓମାର ଅଲଘାବ୍ରା ସୂଚନା ଦେଇଛନ୍ତି
ଭାରତରେ କରୋନା ସଂକ୍ରମଣ ହଠାତ ବୃଦ୍ଧି ପାଇବା କାରଣରୁ ଏପ୍ରିଲ ୨୨ ତାରିଖରେ ପ୍ରଥମେ ଓଟାୱା ଭାରତୀୟ ବିମାନ ଉପରେ ନିଷେଦ୍ଧାଦେଶ ଜାରି କରିଥିଲା । ଭାରତରେ ବଢ଼ୁଥିବା କରୋନାର ପରିସ୍ଥିତିକୁ ଦେଖି କାନାଡ଼ାବାସୀଙ୍କୁ ଏଥିରୁ ସୁରକ୍ଷିତ ରଖିବା ଲାଗି ଏପରି ନିଷ୍ପତ୍ତି ନେଇଥିବା କାନାଡ଼ା ସରକାର କହିଛନ୍ତି ।
