ସୋନପୁର (ବଡ଼ ଖବର ବ୍ୟୁରୋ): ଅଭିନବ ଉପାୟରେ ଗଞେଇ ଚୋରାଚାଳନ କରୁଥିବା ବେଳେ ମାଡ଼ି ବସିଲା ଅବକାରୀ ବିଭାଗ । ଆଜି ସକାଳୁ ଅବକାରୀ ବିଭାଗ ପାଟ୍ରୋଲିଙ୍ଗ କରୁଥିବା ବେଳେ ମନୁମୁଣ୍ଡା ପଟୁ ଆସୁଥିବା ଏକ ଆମ୍ବୁଳାନ୍ସ ଗାଡିକୁ କୁଞ୍ଜ ଛକ ନିକଟରେ ଅଟକାଇ ଥିଲା । କିନ୍ତୁ ଗାଡିଟି ପଳାଇ ଯିବାରୁ ତାକୁ ସଦର ବ୍ଲକ ଛକ ନିକଟରେ ଅଟକାଇ ଯାଞ୍ଚ କରିଥିଲା ।
ଆମ୍ବୁଲାନ୍ସରୁ ୪କୁଇଣ୍ଟାଲ ୨୦କେଜି ଗଞେଇ ବାହାରି ଥିଲା । ଆମ୍ବୁଲାନ୍ସଟି ଗଞ୍ଜେଇ ନେଇ ବଉଦ ଜିଲ୍ଲା ମନୁମୁଣ୍ଡାରୁ ଛତିଶଗଡ ଯାଉଥିଲା। ଗାଡି ଡ୍ରାଇଭରକୁ ଗିରଫ କରିଛି ଅବକାରୀ ବିଭାଗ । ଡ୍ରାଇଭର ଜଣକ ହେଲେ ଛତିଶଗଡ ରାୟପୁର ତେଲିବନ୍ଧ ଗାଁର ଉପେନ୍ଦ୍ର ସାହୁ ।
