ସଂଯୁକ୍ତାଙ୍କ ପାଇଁ ଗଲା କି ଶ୍ରୀକାନ୍ତଙ୍କ ପଦ?

ଭୁବନେଶ୍ୱର: ଅଚାନକ ମନ୍ତ୍ରିମଣ୍ଡଳରେ ଅଦଳବଦଳର ଖବର । ପ୍ରଥମେ ବାଚସ୍ପତି ପଦରୁ ଇସ୍ତଫା ଦେଲେ । ପରକୁ ପର ଦୁଇ ମନ୍ତ୍ରୀ ସମୀର ରଂଜନ ଦାଶ ଓ ଶ୍ରୀକାନ୍ତ ସାହୁ ମଧ୍ୟ ନିଜର ପଦରୁ ଇସ୍ତଫା ଦେଇଛନ୍ତି । ଏହି ଉଭୟଙ୍କ ଇସ୍ତଫା ପଛରେ ଦୁଇଠି କାରଣ କୁହାଯାଉଛି । ପ୍ରଥମେ ଜିଲ୍ଲାପରିଷଦ ଧର୍ମେନ୍ଦ୍ର ସାହୁଙ୍କ ମୃତ୍ୟୁର ବିବାଦ ପରେ ଉପନିର୍ବାଚନରେ ବିଜେଡିର ପରାଜୟ, ବିଜେପିର ବିଜୟ ତାଙ୍କ ପଲ୍ଲାକୁ ଦୁର୍ବଳ କରିଛି । ତେଣୁ ମନ୍ତ୍ରୀ ପଦ ଛାଡ଼ି ସଂଗଠନରେ ସମୟ ଦେବାକୁ ତାଙ୍କୁ ବିଦାକରାଯାଇଥିବା କୁହାଯାଉଛି । ସେପଟେ ଶ୍ରୀକାନ୍ତଙ୍କ ଚୌକି ଯିବା ପଛରେ ତାଙ୍କରି ଦଳର ନେତ୍ରୀଙ୍କ ଅଭିଯୋଗ ମୁଖ୍ୟ କାରଣ ବୋଲି କୁହାଯାଉଛି । ବିଜେଡି ନେତ୍ରୀ ସଂଯୁକ୍ତା ମହଲା ତାଙ୍କ ବିରୋେଧରେ ଦୁଷ୍କର୍ମ ଅଭିଯୋଗ ଆଣିଛନ୍ତି । ମାମଲା ଥାନା ଯାଏଁ ଯାଇଛି । ମନ୍ତ୍ରୀଙ୍କ ବିରୋଧରେ କିନ୍ତୁ ଆକ୍ସନ ହୋଇ ନ ଥିଲା । ଏବେ ଶ୍ରୀକାନ୍ତଙ୍କୁ ମନ୍ତ୍ରୀ ପଦରୁ ବିଦା କରାଯାଇଛି ।