ଗୀତ ଗାଇ ଚର୍ଚ୍ଚାରେ କ୍ୟାପଟେନ ଅମରିନ୍ଦର
ଚଣ୍ଡିଗଡ(ବଡ଼ ଖବର ବ୍ୟୁରୋ): ଜଣାପଡିଛି ଯେ ସେ ଏକ ସମାରୋହରେ ଗୀତ ଗାଇଛନ୍ତି । ଅମରିନ୍ଦର ସିଂହ ଶନିବାର ଚଣ୍ଡିଗଡ ସ୍ଥିତ ନିଜ ୧୯୪୭ ଏନଡିଏ କୋର୍ସର ବ୍ୟାଚ ସହ ଦେଖାସାକ୍ଷାତ କରିଥିଲେ । ତେବେ ସେ ତାଙ୍କ ବ୍ୟାଚମେଣ୍ଟଙ୍କୁ ଭେଟିବା ପରେ ବେଶ ଉତ୍ସାହିତ ହୋଇ ଗୀତ ଗାଇଥିଲେ । ଯାହାର ଏକ ଭିଡିଓ ନଜର ଆସିଛି । ସୂଚନା ଅନୁସାରେ କ୍ୟାପଟେନଙ୍କ ପରାମର୍ଶଦାତା ରବିନ ଠୁକରାଲ ଏହି ଭିଡିଓକୁ ପୋଷ୍ଟ କରିଥିଲେ । ଭିଡିଓରେ ପଞ୍ଜାବର ପୂର୍ବାତନ ମୁଖ୍ୟମନ୍ତ୍ରୀ ବଲିଉଡର ଲୋକପ୍ରିୟ ଗୀତ ‘ଗୋରେ ଗୋରେ’ ଗୀତ ଗାଉଥିବାର ଦେଖିବାକୁ ମିଳିଥିଲା ।
କ୍ୟାପଟେନଙ୍କ ସହ ତାଙ୍କ ସହପାଠୀମାନେ ମଧ୍ୟ ଯୋଗ ଦେଇଥିବାର ଦେଖିବାକୁ ମିଳିଛି । ତେବେ ଏହି ଭେଟଘାଟ କ୍ୟାପଟେନଙ୍କ ମୋହଲି ସ୍ତିତ ମହିନ୍ଦର ବାଗ୍ ଫାର୍ମହାଉସରେ ହୋଇଥିଲା । କ୍ୟାପଟେନ ଅମରିନ୍ଦର ଗତ କିଛି ଦିନ ଧରି ଏବେ ଖୁବ୍ ଚର୍ଚ୍ଚାରେ ଅଛନ୍ତି ।ସୂତ୍ରରୁ ଜଣାପଡିଥିଲା ଯେ, ନବଜୋତସିଂହ ସିଦ୍ଧୁ ଏବଂ ତାଙ୍କ ସହଯୋଗୀଙ୍କ ସହ କନ୍ଦଳ ପରେ କ୍ୟାପଟେନ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । କିନ୍ତୁ ଅମରିନ୍ଦର ସ୍ପଷ୍ଟ କରିଥିଲେ, ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ଅର୍ଥ ନୁହେଁ ଯେ ସେ ସବୁ ଦିନ ପାଇଁ ରାଜନୀତିରୁ ବିଦାୟ ନୋଇଛନ୍ତି ।