ଓଡ଼ିଶାକୁ ୬ ହଜାର କୋଟି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମୋଦି ୩.୦ ସରକାରଙ୍କ ସରିଛି ଶପଥ ଗ୍ରହଣ। ନୂଆ ମନ୍ତ୍ରୀଙ୍କୁ ବିଭାଗ ବଣ୍ଟନ ମଧ୍ୟ ହୋଇ ସାରିଛି। ଏହାପରେ ଦାୟିତ୍ୱ ନେଇଛନ୍ତି ମୋଦିଙ୍କ ମନ୍ତ୍ରୀମଣ୍ଡଳ। ଜଣଙ୍କ ପରେ ଜଣେ ମନ୍ତ୍ରୀ ଆଜି ନିଜ ନିଜ ଅଫିସ୍‌କୁ ଯାଇ କାର୍ଯ୍ୟଭାର ସମ୍ଭାଳିଛନ୍ତି। ନିର୍ମଳା ସୀତାରମଣଙ୍କୁ ଅର୍ଥ ମନ୍ତ୍ରାଳୟ ଦାୟିତ୍ୱ ମିଳିଛି।

ବିଭାଗ ବଣ୍ଟାଯିବାର ସଙ୍ଗେସଙ୍ଗେ ଅର୍ଥ ମନ୍ତ୍ରାଳୟ ବଡ଼ ନିଷ୍ପତ୍ତି ନେଇଛି। ଟ୍ୟାକ୍ସ ଡିଭୋଲ୍ୟୁସନ୍‌ ବା ଆଦାୟ କରକୁ ରାଜ୍ୟମାନଙ୍କ ଭିତରେ ବଣ୍ଟା ଯିବାକୁ ଗ୍ରୀନ୍‌ ସିଗନାଲ୍‌ ମିଳିଛି। ମୋଟ ୧ ଲକ୍ଷ ୩୯ ହଜାର ୭୫୦ କୋଟି ଟଙ୍କା ରାଜ୍ୟମାନଙ୍କ ମଧ୍ୟରେ ବଣ୍ଟାଯିବ । ଏଥିରେ ସବୁଠାରୁ ଅଧିକ ଟଙ୍କା ଉତ୍ତର ପ୍ରଦେଶକୁ ମିଳିବ ବୋଲି ଜଣାପଡ଼ିଛି । ସେହିପରି ଓଡ଼ିଶାକୁ ୬ ହଜାର ୩୨୭ କୋଟି ଟଙ୍କା ମିଳିବା ନେଇ ଜଣାପଡ଼ିଛି ।