ଅଚିହ୍ନା ନାବାଳକଙ୍କ ମୃତଦେହ ଉଦ୍ଧାର

କଣିହାଁ, (ବଡ଼ ଖବର ବ୍ୟୁରୋ): ଆଜି କଣିହାଁ ବ୍ଲକ ବୁରୁକୁନା ଗାଁ ପାଖ ଫାସିପାଳ ଓ ହୁଣ୍ଡାଳିଆ ମଧ୍ୟବର୍ତ୍ତୀ ସମାକୋଇ ନଦୀ ଅଞ୍ଚଳରେ ଏକ ମୃତଦେହ ଭାସୁଥିବା ଦେଖି ଗାଁ ଲୋକେ ସମଲ ଥାନାକୁ ଖବର ଦେଇଥିଲେ ।
ଥାନା ଏଏସଆଇ ଅଜୟ କୁମାର ସାହୁ ଓ ସନ୍ତୋଷ କୁମାର ଶତପଥୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ତାଳଚେର ଉପଖଣ୍ଡ ଚିକିତ୍ସାଳୟକୁ ପଠାଇଛନ୍ତି। ନାବାଳକଙ୍କ ବୟସ ୧୩/୧୪ ବର୍ଷ ହେବ ବୋଲି ଅନୁମାନ କରାଯାଉଛି। ଏହା ହତ୍ୟା ନା ଆତ୍ମହତ୍ୟା ପୋଲିସ ତା’ର ତଦନ୍ତ ଜାରି ରଖିଛି।