‘ଏଫଏମ୍ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ ଦାୟୀ କଲେଜ କର୍ତ୍ତୃପକ୍ଷ’
ଭୁବନେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱର ଛାତ୍ରୀ ଆତ୍ମାହୁତି ଉଦ୍ୟମ ଘଟଣା । ଏମ୍ସ ବର୍ଣ୍ଣ ୱାର୍ଡରେ ଜୀବନ ସହ ସଂଘର୍ଷ କରୁଛନ୍ତି ପୀଡ଼ିତା । ତାଙ୍କ ଶରୀରର ୯୫ ପ୍ରତିଶତ ପୋଡ଼ିଯାଇଛି । ଛାତ୍ରୀ ଜଣକ ଅତି ସଙ୍କଟାପନ୍ନ ଅବସ୍ଥାରେ ଥିବା ଏମ୍ସ ନିର୍ଦ୍ଦେଶକ ଡାକ୍ତର ଆଶୁତୋଷ ବିଶ୍ବାସ ସୂଚନା ଦେଇଛନ୍ତି । ପୀଡ଼ିତା ଜୀବନ ମରଣ ସହ ସଂଘର୍ଷ କରୁଛନ୍ତି । ୧୨ ଜଣିଆ ଡାକ୍ତରୀ ଦଳ ଚିକିତ୍ସାରେ ନିୟୋଜିତ ରହିଛନ୍ତି । ଏହି ଘଟଣାରେ ପ୍ରତିକ୍ରିୟା ରଖିଛନ୍ତି ଯୁବ ଛାତ୍ର କ୍ରାନ୍ତି ସେନାର ରାଜ୍ୟ ଆବାହକ ପାର୍ଥସାରଥୀ ମୁଦୁଲି ।
କହିଛନ୍ତି ବାଲେଶ୍ଵର ଫକୀରମୋହନ ସ୍ଵୟଂଶାସିତ କଲେଜ ଛାତ୍ରୀଙ୍କ ଆତ୍ମାହୁତି ଉଦ୍ୟମ ପାଇଁ କଲେଜ କର୍ତ୍ତୃପକ୍ଷ, ନିର୍ଯାତନା ଦେଉଥିବା ଅଧ୍ୟାପକ ଏବଂ କର୍ତ୍ତୃପକ୍ଷଙ୍କ ଜ୍ଞାତସାରରେ ଥିବା ଛାତ୍ରୀଙ୍କ ପ୍ରତି ଏହି ନିର୍ଯାତନା ବିଷୟରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବା, ସିଧାସଳଖ ଘଟଣାକୁ ଚପାଇ ଦେବା ପାଇଁ ଉଦ୍ୟମକୁ ଗଭୀର ନିନ୍ଦା କରୁଛି । ଛାତ୍ରଛାତ୍ରୀଙ୍କୁ ଉପଯୁକ୍ତ ସମ୍ମାନ ନ୍ୟାୟ ଦେବା ସରକାରଙ୍କ ନୈତିକ ଦାୟିତ୍ୱ ।
ପୂର୍ବରୁ ସମସ୍ତ ଅଭିଯୋଗ କଲେଜ କମିଟି ପାଇଥିଲେ ମଧ୍ୟ ଉପଯୁକ୍ତ ପଦକ୍ଷେପ ନେଲେ ନାହିଁ । ବରଂ ସଂପୃକ୍ତ ଛାତ୍ରୀଙ୍କୁ ଅଭିଯୋଗ ପ୍ରତ୍ୟାହାର ପାଇଁ କଲେଜରୁ ବିଦା କରି ଦେବାର ଭୟ ଦେଖାଇ ଥିଲେ । ଅନ୍ୟ ପିଲାଙ୍କୁ ଲଗାଇ ଝିଅଙ୍କ ନାମରେ ମିଥ୍ୟା ଅଭିଯୋଗ ଆଣି ସମ୍ପୂର୍ଣ୍ଣ ଚାପ ସୃଷ୍ଟି କରାଯାଇଥିଲା । କୌଣସି ନ୍ୟାୟ ନ ପାଇ କଲେଜ ସାମ୍ନାରେ ଆତ୍ମାହୁତି ପାଇଁ ପଦକ୍ଷେପ ଭଳି ଏକ ଚରମ ନିଷ୍ପତ୍ତି ନେଇଛନ୍ତି ପୀଡତା । ଏହା ଏକ ଦୁଃଖଦ ଓ ଲଜ୍ୟାଜନକ ଘଟଣା ।