‘ଆମେ କ୍ଷମତାରେ ଅଛୁ , ଆଇନ ପରିସରରେ ରହି କାର୍ଯ୍ୟକ୍ରମ କରୁଛୁ’

ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଦ୍ୟୁତ ବିଭ୍ରାଟକୁ ନେଇ ପ୍ରତିକ୍ରିୟା ରଖିଲେ ସଂସ୍କୃତି ମନ୍ତ୍ରୀ ଅଶ୍ୱିନୀ ପାତ୍ର । କହିଛନ୍ତି କାଳବୈଶାଖୀ ପ୍ରଭାବରେ ମୋ ଘର ବି ଗୋଟେ ଦିନ ଅନ୍ଧାରରେ ରହିଛି । ପବନର ବେଗ ଏତେ ରହିଥିଲା ଯେ ଯାହା ପରେ ସେଦିନ ରାତି ସାରା ଲାଇନ ଆସି ପାରିଲା ନାହିଁ । ଯେହେତୁ ଟ୍ରାନ୍ସଫର୍ମର ଖସି ପଡିଛି ଖୁଣ୍ଟ ଭାଙ୍ଗି ଯାଇଛି ତେଣୁ ସେହି କ୍ଷେତ୍ରରେ ପୁନରୁଦ୍ଧାର ପାଇଁ ସମୟ ଲାଗୁଛି । ବିରୋଧୀ ଦଳ ତାଙ୍କର କାର୍ଯ୍ୟକ୍ରମ କରିବା ପାଇଁ ସରକାରଙ୍କ ବିରୁଦ୍ଧରେ ବିଭିନ୍ନ ସମୟରେ ବିଭିନ୍ନ ଟିପଣୀ ଦେଉଛନ୍ତି । ସେଥିରେ ଆମର ଯାଏ ଆସେ ନାହିଁ । ଆମେ କ୍ଷମତାରେ ଅଛୁ, ଆଇନ ପରିସରରେ ରହି କାର୍ୟ୍ୟକ୍ରମ କରୁଛୁ ।