ଓଡ଼ିଶା ଆସିବେ ସୋନିଆ-ରାହୁଲ

ଭୁବନେଶ୍ବର(ବଡ଼ ଖବର ବ୍ୟୁରୋ): ଓଡ଼ିଶା ଆସିବେ ସୋନିଆ ଓ ରାହୁଲ ଗାନ୍ଧୀ । କରିବେ ରୋଡ ଶୋ’ । କଂଗ୍ରେସ ପ୍ରାର୍ଥୀଙ୍କ ମାଗିବେ ଭୋଟ । ପ୍ରଥମ ପର୍ୟ୍ୟାୟରେ ମତଦାନ ହେବାକୁ ଥିବା ନିର୍ବାଚନ ମଣ୍ଡଳୀରେ ପ୍ରଚାର କରିବେ । କଂଗ୍ରେସ ପ୍ରାର୍ଥୀଙ୍କ ପାଇଁ ଷ୍ଟାର ପ୍ରଚାରକ ଭାବେ ରାହୁଲ ଗାନ୍ଧୀ, ସୋନିଆ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା, ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲ ଓ ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ, କହ୍ନେୟା କୁମାର ପ୍ରଚାର କରିବେ । ମେ ପ୍ରଥମ ସପ୍ତାହରେ ସୋନିଆ, ରାହୁଲ ଓ ପ୍ରିୟଙ୍କା ଗାନ୍ଧୀ ଓଡ଼ିଶାରେ ରୋଡ ଶୋ’ କରି କଂଗ୍ରେସ ପ୍ରାର୍ଥୀଙ୍କ ପାଇଁ ଭୋଟ ମାଗିବେ । କୋରାପୁଟ, ଜୟପୁର, ରାୟଗଡା ଓ ଗୁଣପୁରରେ ଦଳୀୟ କର୍ମୀଙ୍କ ସୋନିଆ, ରାହୁଲ ଓ ପ୍ରିୟଙ୍କା ଗାନ୍ଧୀ ଭଦ୍ରା ପ୍ରଚାର କରିବେ । ଏହି ସୂଚନା ଦେଇଛନ୍ତି କୋରାପୁଟ କଂଗ୍ରେସ ସାଂସଦ ପ୍ରାର୍ଥୀ ସପ୍ତଗିରି ଉଲାକା । ଆଗାମୀ ନିର୍ବାଚନରେ କଂଗ୍ରେସର ଦଳର ରଣନୀତି କଣ ହେବ, କିପରି ଲଢିବ ତାକୁ ନେଇ ଜୟପୁରରରେ କଂଗ୍ରେସର ଏକ କର୍ମୀ ସମ୍ମିଳନୀ ହୋଇଯାଇଛି । ଏଥିରେ ସାଂସଦ ପ୍ରାର୍ଥୀ ସପ୍ତଗିରି ଉଲାକା, ତାରା ବାହିନୀପତି ଓ ଦିଲ୍ଲୀରୁ ଆସିଥିବା ପର୍ୟ୍ୟବେକ୍ଷକ ଓ ଟିକେଟ ପାଇଥିବା ପ୍ରାର୍ଥୀ ସାମିଲ ହୋଇଥିଲେ ।