କଂଗ୍ରେସର ସିଡ଼ବ୍ଲୁସି ବୈଠକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଭାରତୀୟ ଜାତୀୟ କଂଗ୍ରେସର ସିଡ଼ବ୍ଲୁସି ବୈଠକ ବସିଛି । ଏଥିରେ ଦଳର ନୂଆ ଅଧ୍ୟକ୍ଷ ନିର୍ବାଚନ ବିଷୟରେ ଆଲୋଚନା ହେବାର ସମ୍ଭାବନା ରହିଛି । ସିଡ଼ବ୍ଲୁସିର ଏହି ଭିଡ଼ିଓ କନଫେରେନ୍ସିଂ ବୈଠକରେ ସକାଳ ୧୦ ଟା ୩୦ରେ ଆରମ୍ଭ ହୋଇଛି । ବୈଠକରେ ନୂଆ ଅଧ୍ୟକ୍ଷ ନିର୍ବାଚନ ସହ କୃଷକ ଆନ୍ଦୋଳନ ଓ କିଛି ଅନ୍ୟପ୍ରସଙ୍ଗ ଉପରେ ମଧ୍ୟ ଚର୍ଚ୍ଚା ହେବାର ସମ୍ଭାବନା ରହିଛି ।

ଅଧ୍ୟକ୍ଷ ନିର୍ବାଚନକୁ ସବୁଜ ସଙ୍କେତ ମିଳିବ ବୋଲି ଆଶା କରାଯିବା ସହ ତାରିଖ ମଧ୍ୟ ଘୋଷଣା ହୋଇପାରେ । ଗତ ଲୋକସଭା ନିର୍ବାଚନରେ କଂଗ୍ରେସ ପରାଜିତ ହେବା ପରେ ଅଧ୍ୟକ୍ଷ ଥିବା ରାହୁଲ ଗାନ୍ଧୀ ନିଜ ପଦବୀରୁ ଇସ୍ତଫା ଦେଇଥିଲେ । ଏହାପରେ ସୋନିଆ ଗାନ୍ଧୀ ଅନ୍ତରୀଣ ଅଧ୍ୟକ୍ଷା ଭାବେ ଦାୟିତ୍ୱ ତୁଲାଉଛନ୍ତି । ବିହାର ବିଧାନସଭା ନିର୍ବାଚନ ସହ ଅନ୍ୟ କିଛି ରାଜ୍ୟର ଉପନିର୍ବାଚନରେ କଂଗ୍ରେସର ଶୋଚନୀୟ ପରାଜୟର ସାମ୍ନା କରିଛି । ଏହାପରେ ଗୁଲାମ ନବୀ ଆଜାଦ ଓ କପିଲ ସିବଲଙ୍କ ଭଳି କିଛି ନେତା ଦଳରେ ସକ୍ରିୟ ଅଧ୍ୟକ୍ଷ ନିଯୁକ୍ତି ନେଇ ଦାବି କରୁଛନ୍ତି ।