କନ୍ଦଳ ଭିତରେ କଂଗ୍ରେସର କାର୍ଯ୍ୟକାରିଣୀ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ଗତକାଲି କଂଗ୍ରେସ ଭବନରେ ହାଇଡ୍ରାମା ପରେ ଆଜି ଆରମ୍ଭ ହୋଇଛି କଂଗ୍ରେସର କାର୍ଯ୍ୟକାରିଣୀ ବୈଠକ । ନିଲମ୍ବିତଙ୍କ ସମର୍ଥକଙ୍କ ହୋହଲ୍ଲାକୁ ଆଖିରେ ରଖି କଂଗ୍ରେସ ଭବନରେ ହୋଇ ନାହିଁ ବୈଠକ । ଭୁବନେଶ୍ୱରର ଏକ ହୋଟେଲ ଚାଲିଛି ବୈଠକ । ବୈଠକରେ ସମସ୍ତ ବିଧାୟକ, ସାଂସଦ ଓ ଦଳର ବରିଷ୍ଠ ନେତା ଯୋଗ ଦେଇଛନ୍ତି । ପ୍ରଥମେ ପଲିଟିକାଲ ଆଫେୟାର୍ସ ବୈଠକ ଆରମ୍ଭ ହୋଇଛି ।

ତାପରେ ରାଜ୍ୟ କାର୍ଯ୍ୟକାରିଣୀ ବୈଠକ ହେବ । ଶେଷରେ ବସିବ ରାଜ୍ୟ କଂଗ୍ରେସ ପଦାଧିକାରୀ ବୈଠକ । ତେବେ କଂଗ୍ରେସ ଭବନ ବାହାରେ ବୈଠକ ନହେବାକୁ ନେଇ ଭିନ୍ନ ଚର୍ଚ୍ଚା ହେଉଛି । ସେପଟେ ଆଜିର ବୈଠକରେ ନିଲମ୍ବିତ ନେତାଙ୍କ ପ୍ରସଙ୍ଗ ଉଠିପାରେ ବୋଲି ସୂଚନା ମିଳିଛି । ବୈଠକରେ କ’ଣ ଆଲୋଚନା ହେଉଛି ତା ଉପରେ ସମସ୍ତଙ୍କ ନଜର ରହିଛି ।