ଜଗତସିଂହପୁର, (ବଡ଼ ଖବର ବ୍ୟୁରୋ): କରୋନା କଟକଣା ଲାଗି ସାରା ରାଜ୍ୟରେ ସ୍କୁଲ, କଲେଜ ଓ ଟ୍ୟୁଟୋରିଆଲ ବନ୍ଦ କରାଯାଇଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି । ଜଗତସିଂହପୁର ଜିଲ୍ଲାରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି । କୋଭିଡ୍ କଟକଣାକୁ ଖୁଲମଖୁଲା ଉଲ୍ଲଙ୍ଘନ କରାଯାଉଛି । ଜଗତସିଂହପୁର ସହରରେ ଥିବା ଅଧିକାଂଶ ଟ୍ୟୁଟୋରିଆଲ ଖୋଲା ରହୁଛି ।
ଛାତ୍ରଛାତ୍ରୀମାନଙ୍କୁ ବାଧ୍ୟବାଧକତାରେ ମେସରେ ରଖି ମଧ୍ୟ କ୍ଲାସ କରାଯାଉଛି । ଜିଲ୍ଲାରେ ଛତୁ ଫୁଟିଲା ଭଳି ଟ୍ୟୁଟୋରିଆଲ ଖୋଲିଛି । ନିଜ ନିଜ ଭିତରେ ପ୍ରତିଦ୍ୱନ୍ଦିତା କରିବା ସହିତ ବ୍ୟବସାୟିକ ସଫଳତା ପାଇବା ପାଇଁ ବେଆଇନ ଭାବେ ଟ୍ୟୁଟୋରିଆଲ ଚଳାଉଛନ୍ତି ମାଲିକମାନେ ।
ଛାତ୍ରଛାତ୍ରୀମାନେ ବିନା ମାସ୍କରେ ଟ୍ୟୁଟୋରିଆଲଗୁଡିକୁ ଯାଉଥିବା ଦେଖାଯାଉଛି । ସମାଜିକ ଦୂରତା କଥା ନ କହିବା ଭଲ । ଜିଲ୍ଲା ପ୍ରଶାସନ ଏଦିଗରେ ତଦନ୍ତ କରି ବିହିତ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ।
