ଭାରତକୁ ଆସିବ ନାହିଁ କରୋନାର ତୃତୀୟ ଲହର: ଏମ୍ସ ନିର୍ଦ୍ଦେଶକ

(ବଡ଼ ଖବର ବ୍ୟୁରୋ): ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସର ନିର୍ଦ୍ଦେଶକ ଡ. ରଣଦୀପ ଗୁଲେରିଆ ଗୁରୁବାର କହିଛନ୍ତି ଭାରତକୁ ତୃତୀୟ ଲହର ଆସିବ ନାହିଁ । ଯଦି ଲୋକମାନେ ସାବଧାନ ରୁହନ୍ତି ଏବଂ ଭାରତ ବହୁ ସଂଖ୍ୟକ ଲୋକଙ୍କୁ ଟିକାକରଣ କରିବାରେ ସକ୍ଷମ ହୁଏ ତେବେ କରୋନା ମହାମାରୀର ତୃତୀୟ ଲହର ଭାରତକୁ ପ୍ରବେଶ କରି ପାରିବ ନାହିଁ ।

ଗୁଲେରିଆ ଆହୁରି ମଧ୍ୟ କହିଛନ୍ତି ଯେ, ଯଦି ଆମେ ସାବଧାନ ଏବଂ ଟିକାକରଣ ସଠିକ ଭାବେ କରିବା ତେବେ ତୃତୀୟ ଲହର ଆସିନପାରି ଦୁର୍ବଳ ହୋଇଯାଇ ପାରେ । ସେ ଆହୁରି ମଧ୍ୟ କହିଛନ୍ତି ଯେ, ଏବେ କରୋନା ମାମଲା ହ୍ରାସ ପାଇବାରେ ଲାଗିଛି । କିଛି କ୍ଷେତ୍ରରେ ପଜିଟିଭ ହାର ଅଧିକ ରହିଛି । ଆମକୁ ସେହି କ୍ଷେତ୍ରରେ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିବାକୁ ପଡ଼ିବ । ସେମାନଙ୍କୁ ହଟସ୍ପଟ ହେବାକୁ ଦିଆଯିବା ଉଚିତ ନୁହେଁ, ନହେଲେ ଭୂତାଣୁ ଅନ୍ୟ ଅଞ୍ଚଳରେ ବିସ୍ତାର ହୋଇପାରେ ।