ଦୁଷ୍କର୍ମ ଅଭିଯୁକ୍ତକୁ ଜୋତାମାଳ
କାକଟପୁର (ବଡ଼ ଖବର ବ୍ୟୁରୋ): କାକଟପୁର କଙ୍ଗାରୁ କୋର୍ଟ । ଦୁର୍ଷ୍କମ ଅଭିଯୋଗରେ ଯୁବକର ହାତ ବାନ୍ଧି ଗାଁ ବୁଳାଇଲେ ଲୋକେ । ମାଡ ମାରିବା ସହ ଗାଁ ଦାଣ୍ଡରେ ବାନ୍ଧିଥିଲେ ଗାଁ ଲୋକେ । ଅଭିଯୁକ୍ତ ଆଗରୁ ଦୁଇ ତିନି ଥର ଜେଲ ଯାଇଥିବା ବେଳେ ସୋମବାର ବିଳମ୍ବିତ ରାତିରେ ଗାଁର ଜନୈକା ମହିଳାଙ୍କ ଘରେ ପଶିଥିଲେ । ମହିଳାଙ୍କୁ ବଳତ୍କାର ଉଦ୍ୟମ କରିଥିଲେ । ଉକ୍ତ ମହିଳା ଜଣଙ୍କ ବଳତ୍କାର ବେଳେ ପାଟି କରିଥିଲେ । ମହିଳାଙ୍କ ପାଟି ଶୁଣି ଗାଁ ଲୋକେ ଅଭିଯୁକ୍ତ ପ୍ରଶାନ୍ତ ନାଥକୁ ଧରିଥିଲେ ।
କିଛି ଲୋକ ଯୁବକ ଧରିବା ସହ ବାନ୍ଧି ମାଡ ମାରିଥିଲେ । ପରେ ଚପଲ ମାଳ ପକାଇ ଗାଁରେ ବୁଲାଇଥିଲେ । କାକଟପୁର ଥାନାରେ ଅଭିଯୋଗ ପରେ ପୋଲିସ ଅଭିଯୁକ୍ତକୁ ଗିରଫ କରି କାକଟପୁର ଥାନାକୁ ନେଇ ଘଟଣାର ତଦନ୍ତ କରୁଛି । ତଦନ୍ତ ପରେ ସତ୍ୟାସତ୍ୟ ପଦାକୁ ଆସିବ ବୋଲି କାକଟପୁର ଆଇଆଇସି ସୁଶାନ୍ତ କୁମାର ସାହୁ କହିଛନ୍ତି । ଅନ୍ୟପଟେ ଅଭିଯୁକ୍ତ ପ୍ରଶାନ୍ତ ଏପରି କାଣ୍ଡ ବାରମ୍ବାର କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି ।